Landsbankinn

atlas

Hreysti

Leiksport

Hagabakarí

World Class

Gáski

Nings

jako

Gamlárshlaup ÍR
            

12440701_1665980203641780_6861874627523769876_oGamlárshlaup ÍR fer fram í 41. sinn á gamlársdag og að þessu sinni verður auk 10 km hlaups boðið upp 3km skemmtiskokk. Hlaupið hefst kl. 12 frá Hörpunni. Gamlárshlaup ÍR er einn  stærsti hlaupaviðburður landsins og ríkir ávallt mikil stemning  í hlaupinu þar sem þátttakendur mæta bæði með gleðina og metnaðinn í farteskinu. Hefð er fyrir því að hlauparar mæti í búningum sem setja skemmtilegan svip á hlaupið og eru veitt verðlaun fyrir bestu búningana. Jafnframt verður veittur fjöldinn allur af flottum útdráttarverðlanum.   Facebook síða hlaupsins.

 

Tími og staðsetning

Hlaupið er haldið á gamlársdag 31. desember og er ræst stundvíslega klukkan 12:00 frá Hörpunni. Rásmarkið er á Sæbrautinni fyrir utan Hörpuna. Þátttakendur eru hvattir til þess að mæta tímanlega á keppnisstað og hafa hugfast að það getur tekið tíma að leggja bílum í miðbæ borgarinnar. Ráðlagt er að leggja í bílastæði Hörpunnar meðan rúm leyfir.

 

Skráning og afhending gagna

Forskráning er á hlaup.is til miðnættis 30. desember. Þátttökugjaldið hækkar eftir miðnætti fimmtudaginn  29. desember (hærra gjald 30. desember) og eru þátttakendur því hvattir til að forskrá sig tímanlega á hlaup.is. Forskráning fer jafnframt fram í ÍR heimilinu föstudaginn 30. desember á milli kl. 16:30 og 19:00. Skráning

Skráning á hlaupadag. Unnt er að skrá sig á hlaupadag í Hörpunni frá kl. 09:30-11:00 eða þar til 60 mínútum fyrir hlaup, keppendur eru vinsamlegast beðnir um að virða tímamörkin. 

Afhending gagna. Forskráðir geta sótt gögnin sín í ÍR heimilinu, Skógarseli 12, föstudaginn 30. desember á milli kl. 16:30 og 19:00.

Afhending gagna á hlaupdegi. Gögn verða afhent í Hörpunni á hlaupdag á milli kl. 09:30 og 11:00 eða þar til 60 mínútum fyrir hlaup. Þátttakendur eru vinsamlegast beðnir um að virða þau tímamörk.

 

Þátttökugjöld

Vegalengd
1. sept. - 29. des 30. des. - 31. des.

3 km skemmtiskokk, 15 ára og yngri

(2001 og síðar).

Medalía 700 700

3 km skemmtiskokk 16 ára og eldri

(2000 og fyrr).

Án medalíu 1000 1500

3 km skemmtiskokk 16 ára og eldri

(2000 og fyrr).

Medalía 1500 2000

10 km. 15 ára og yngri

(2001 og síðar).

Medalía 1000 1500

10 km. 16 ára og eldri

(2000 og fyrr).

Án medalíu 1800 2700

10 km. 16 ára og eldri

(2000 og fyrr). 

Medalía 2300 3200

 

Vegalengd

3 km skemmtiskokk og 10 km. 10 km hlaupaleiðin er löglega mæld og viðurkennd af Frjálsíþróttasambandi Íslands.


Hlaupaleið og merkingar

3 km og 10 km hlaupin eru ræst á Sæbrautinni fyrir framan Hörpuna. Í 3 km hlaupinu er hlaupið austur Sæbraut 1.5 km og snúið við til baka að Hörpunni. Endamarkið er á planinu fyrir framan Hörpuna. Í 10 km hlaupinu er hlaupið austur Sæbraut, niður Sægarða (við Holtagarða), norður Vatnagarða og áfram upp Klettagarða inn á Sæbraut aftur. Endamarkið er á planinu fyrir framan Hörpuna. [kort - pdf

Kílómetrar og beygjur eru vel merkt með keilum, flöggum og umferðarmerkjum. Starfsmenn hlaupsins munu vakta alla helstu staði. Þátttakendur eru hvattir til að kynna sér leiðina vel, m.a. hér á síðunni og í Hörpunni á keppnisdegi.

 

gamlars

 

Tímataka og birting úrslita

3 km skemmtiskokk

Ekki er formleg tímataka í 3 km skemmtiskokki þ.e. enginn skráður tími en þátttakendur geta séð tímann sinn á markklukku þegar þeir koma í mark.

10 km 

Hver hlaupari færi tímatökuflögu með sínum skráningargögnum. Án flögu fæst enginn tími og flagan virkar eingöngu sé hún fest á skó.  Skila þarf tímatökuflögum eftir hlaup. Flögutími gefur  nákvæman persónulegan árangur hlaupara, óháð hve aftarlega í hópnum hann var við ræsingu. Einnig er tekinn tími frá því að startskot ríður af, sem kallast byssutími en það er sá tími sem gildir í keppninni og úrslit  eru ákvörðuð út frá honum eins og alþjóðlegar reglur um lögleg götuhlaup segja til um.

Tímatöku og brautarvörslu lýkur 90 mínútum eftir að hlaupið er ræst, kl. 13:30. Umferð verður hleypt á Sæbraut kl. 13:15 og verða hlauparar að sýna aðgát eftir þann tíma. Úrslit verða birt í rauntíma á timataka.net auk þess sem tímar verða sendir í sms-i til hlaupara. Úrslit fyrir verðlaunasæti eru staðfest við verðlaunaafhendingu en að öðru leiti telst birting úrslita á timataka.net sem lögleg birting á úrslitum.

Athugið. Samkvæmt reynslu síðustu ára geta komið upp  villur í fjölmennu hlaupi einsog  Gamlárshlaup ÍR sem þarf að lagfæra t.d. vegna þess að tímatökuflögur hafa ruglast milli fólks eða önnur mannleg mistök. Í langflestum tilvikum þá leysast slíkar villur og eru endanlega leiðrétt úrslit birt eigi síðar en miðnætti 3. janúar 2017 á timataka.net og hlaup.is. Ábendingar um villur eða ef tíma vantar skal senda á hlaupstjóra eigi síðar en miðnætti 2. janúar með upplýsingum um nafn, kennitölu, hlaupanúmer og áætlaðan tíma og við reynum að lagfæra úrslitin sem allra fyrst. Einnig er gott að fá upplýsingar um einhverja sem þú þekkir og komu á svipuðum tíma í markið

 

Drykkjarstöðvar

Drykkjastöðvar eru fyrir þátttakendur í 10 km hlaupinu við  Vatnagarða (u.þ.b. 5,5 km) þar sem boðið er upp á vatn og Powerade. Að loknu hlaupi eru vatn og Powerade í boði fyrir alla þátttakendur. 

 

Aldursflokkar

Keppt er í 8 flokkum karla og kvenna (alls 16 flokkar): 

15 ára og yngri

16 -18 ára

19-29 ára

30-39 ára

40-44 ára

45-49 ára

50-54 ára

55-59 ára

60 ára og eldri

 

Verðlaun og verðlaunaafhending

Verðlaunaafhending fer fram í Hörpunni kl. 13:00.

  • Þátttakendur yngri en 15 ára fá þátttökuverðlaun, en öðrum  gefst kostur á að kaupa þátttökupening samhliða skráningu. Þátttökupeninga þarf að vitja inni í Hörpu að loknu hlaupi.
  • Hlauparar sem hljóta útdráttarverðlaun fá afhenta miða þegar þeir koma í mark og verða að vitja vinninga inni í bílastæðahúsinu Kolaportið við Kalkofnsveg 1. Ekki verður unnt að vitja útdráttarverðlauna eftir 14:30 á hlaupadag.
  • Veitt eru verðlaun fyrir þrjá fyrstu í mark í karla- og kvennaflokki í 10 km hlaupinu. 
  • Veitt eru verðlaun fyrir fyrsta karl og fyrstu konu í mark í öllum aldursflokkum í 10 km hlaupinu
  • Veitt eru verðlaun fyrir besta karl- og kvenbúninginn auk verðlaun fyrir besta búningaþema hóps. Í ár verða jafnframt veitt búningaverðlaun fyrir börn yngri en 15 ára sem tóku þátt í skemmtiskokkinu. 

Reglur

Í götuhlaupum á vegum frjálsíþróttadeildar ÍR gilda reglur alþjóðafrjálsíþróttasambandsins IAAF um götuhlaup sem sjá má á vef Frjálsíþróttasambands Íslands og reglur FRÍ um framkvæmd götuhlaupa. Til viðbótar við þær reglur gilda einnig reglur  frjálsíþróttadeildar ÍR um götuhlaup á vegum félagsins og eiga þátttakendur að kynna sér þær hér [hér].

Salerni og fatageymsla

Í Hörpunni verður aðstaða til þess að geyma fatnað auk salerni. Geymsla fyrir fatnað er staðsett í herbergi hægra megin inn ganginn við skráningarborðin. Engin ábyrgð er tekin á fatnaði sem skilinn er eftir í geymslunni, annars staðar í Hörpunni né á hlaupaleiðinni. 

 

Aðrar upplýsingar

Þar sem um götuhlaup er að ræða og umferð er mikil á hluta leiðarinnar eru þátttakendur beðnir að sýna varúð. Brautarvarsla verður við  gatnamót þar sem umferð er þyngst. Mælst er til þess að öryggisástæðum að þátttakendur noti ekki iPod eða önnur álíka tæki í hlaupinu.  Einnig er mælst til þess að þátttakendur hlaupi ekki með hlaupakerrur eða álíka (baby joggers).

 

Frekari upplýsingar

Hlaupstjóri: Inga Dís Karlsdóttir (ingadis@gmail.com)

Frjálsíþróttadeild ÍRirfrjalsar@gmail.com 





Síðast uppfært 05.09.2016

Í götuhlaupum á vegum frjálsíþróttadeildar ÍR gilda reglur alþjóðafrjálsíþróttasambandsins IAAF um götuhlaup sem sjá má á vef Frjálsíþróttasambands Íslands og reglur FRÍ um framkvæmd götuhlaupa. Til viðbótar við þær reglur gilda einnig reglur  frjálsíþróttadeildar ÍR um götuhlaup á vegum félagsins og eiga þátttakendur að kynna sér þær hér [hér[IDKÞÍ1] [MH2] ].


 [IDKÞÍ1]Já mér yfirsást að taka MÍ út úr textanum en að öðru leiti finnst mér mikilvægt að hafa IAAF reglurnar og hafa okkar til viðbótar sem ramma utan um okkar hlaup …. RM gerir þetta svona og þetta er dáldið stolið þaðan. Mundi vilja hafa þetta óbreytt.

 [MH2]OK gerum það. Ég er aðallega að hugsa um orðin “Til viðbótar”. Hvort þar mætti standa til dæmis. “Samhliða þeim reglum gilda”…. Af því að sumar af okkar reglum eru beint upp úr þeim alþjóðlegu og eru því ekki til viðbótar heldur meira árétting á íslensku.

Styrktarlínur

Brúskur hárgreiðslustofa
Ísfrost
Landssamband Lögreglumanna
Ottó B Arnar
Sálarransóknarfélag Rvk
Stjörnuegg hf
Veislist ehf
Wurth á Íslandi ehf