Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1938

Sverrir með fágæta yfirburði

Sverrir tók forystu á fyrstu metrunum og fer hér á undan Óskari (með númer 10), Sigurgeir og Haraldi (7).Sumardagurinn fyrsti 1938 heilsaði bjartur og fagur, með hlýju en lítilli sól. Þegar um morguninn var auðséð að upp var runninn hátíðisdagur. Fánar blöktu á flestum flaggstöngum bæjarins. Þegar leið fram yfir hádegi og komið að því að ræsa hlauparana í 23. Víðavangshlaupi ÍR af stað var saman kominn á Austurvelli mesti mannfjöldi á einum stað sem nokkru sinni hafði sést í bænum – og hafði þó oft verið yfrinn fyrir.

Það var ekki aðeins að Austurvöllur væri þéttskipaður af fólki. Það var líka allt Kirkjustræti, Templarasund, Pósthússtræti og hliðargötur. Og fjöldi manna stóð í Austurstræti. Var á tímabili svo mikil þröng í Pósthússtræti og Austurstræti að lítt mögulegt var að komast áfram.

Í samanburði við fyrri ár var veður með besta móti þegar keppendur voru sendir af stað og hlaupaleiðin með þurrasta móti. Eins og venja hefur verið til var lagt upp frá Alþingishúsinu og hlaupið eftir Fríkirkjuvegi, Sóleyjargötu og Laufásvegi. Af honum lá leiðin yfir túnin hjá Hlíð og að Rauðarárstíg og þaðan niður Laugaveg og Bankastræti í Austurstræti og staðnæmst fyrir framan afgreiðslu Morgunblaðsins

Sverrir Jóhannesson kom í mark 20 sekúndum á undan næsta manni.Sverrir Jóhannesson KR hefur þótt hinn efnilegasti hlaupari og stóð vel undir því. Tók hann forystuna í upphafi hlaups og leiddi það alla leið. Mörgum keppinauta hans varð hált á því að elta Sverri. Fyrri hluta leiðarinnar upp fyrir Gróðrarstöð fylgdi Sigurgeir Ársælsson úr Ármanni Sverri fast eftir, en á Laufásveginum fór Óskar Sigurðsson KR fram úr honum. Á túnunum urðu mestu breytingarnar á röðinni. Á Rauðarárstig sóttu þeir fast á Haraldur Þórðarson Stjörnunni úr Dalasýslu og Guðmundur Jónsson ÍK. Þeir fóru fram úr Óskari innst á Laugavegi, en náðu aldrei Sverri. Þar sóttu og mjög á Oddgeir Sveinsson KR og Gunnar Steindórsson ÍR, sem höfðu hlaupið aftarlega fram að þessu.

Á neðri hluta Laugavegs og Austurstræti urðu litlar breytingar á röðinni og má segja að úrslit væru orðin á hlaupinu á Laugavegi. Sverrir kom langfremstur að marki, hljóp á 13 mín. 42,2 sek. sem er mun betri tími en í fyrra. Tuttugu sekúndum síðar kom Haraldur annar í mark á 14 mín. 2,1 sek. Þriðji varð Guðmundur á 14 mín. 4,0 sek., fjórði Óskar, fimmti Oddgeir, sjötti Gunnar, sjöundi Einar Guðmundsson K.R, áttundi Sigurgeir, níundi Gunnar Sigurðsson ÍR og tíundi Magnús Guðbjörnsson KR, en þetta var 17. víðavangshlaup hans.

Mannfjöldinn geysilegi tók á móti keppendunum í Austurstræti með miklum fagnaðarlátum en Sverrir vann nú hlaupið þriðja árið í röð. Áhugi almennings fyrir hlaupinu var greinilega afar mikill og sjaldan ef nokkru sinni sést jafnmikill mannfjöldi í Austurstræti og á sumardaginn fyrsta um það leyti sem Víðavangshlaupið fer fram.

Annað árið í röð vann KR Svanabikarinn, hlaut sveit félagsins 10 stig með því að eiga fyrsta, fjórða og fimmta mann í mark. Önnur varð sveit ÍR með 28 stig, átti 6., 9. og 13. mann. Þriðja var B-sveit KR, líka með 28 stig, átti 7., 10. og 11. mann. Sveit Ármanns varð fjórða með 39 stig, átti 8., 14. og 17 mann. Sveit Íþróttafélags Kjósarsýslu varð fimmta með 42 stig, átti 3., 15. og 24. mann. Sveit Stjörnunnar varð sjötta, átti 2., 22. og 23. mann. Loks varð C-sveit KR sjöunda með 47 stig, átti 12., 16. og 19. mann í mark.

Útiíþróttir æskulýðsins hefjast


Góð byrjun!


Úrslitin 1938


Leikskrá