Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1947

Sveit Ármanns „sló í gegn“

Slagurinn um sigur í Víðavangshlaupi ÍR harðnaði á fimmta áratugnum eftir að KR hafði mikið til ráðið ríkjum á þriðja og fjórða áratugnum. Ármenningar sóttu í sig veðrið í byrjun fimmta áratugarins og rimmur þeirra og KR-inga voru rammar. Jókst óvissan svo til muna um úrslit er ÍR-ingar mættu á ný með vaskar sveitir um miðjan fimmta áratuginn.

Ármenningarnir sem unnu sveitakeppni Víðavangshlaups ÍR 1947; f.v.: Yrjo Nora þjálfari, Rafn Eiríksson, Hörður Hafliðason og Sigurgeir Ársælsson.Til hlaupsins 1947 mættu flestir bestu hlauparar bæjarins. Af 24 skráðum mætti 21 til leiks en 20 luku keppninni. Ármann sendi 10 þátttakendur, þ. á m. Sigurgeir Ársælsson, Árna Kjartansson, Hörð Hafliðason, Stefán Gunnarsson og Harald Þórðarson. ÍR sendi 7 manns, þar á meðal ÍR-tríóið svonefnda og Jón Bjarnason. KR sendi 7 og meðal þeirra voru Haraldur Björnsson og Þórður Þorgeirsson, sigurvegararnir í fyrra og hitteðfyrra, Indriða Jónsson, Pál Halldórsson og Oddgeir Sveinsson. Sú nýbreytni var tekin upp að nú var hlaupið bæði í 3ja og 5 manna sveitum.

Þótt Þórður Þorgeirsson KR sýndi mikla yfirburði og yrði fyrstur að marki í 42. Víðavangshlaupi ÍR, þá var það hins vegar Ármannssveitin sem sló í gegn með því að vinna keppnina um aðalverðlaunin, Vísisbikarinn fyrir þriggja manna sveit, en hann vann KR í fyrra. Átti Ármann annan, þriðja og fjórða mann að marki. Var þessi frammistaða Ármenninga sérstaklega góð og ánægjuleg og bar eflaust að þakka hinum vinsæla finnska þjálfara félagsins, Yrjo Nora. Sveitin sigraði með 9 stigum, ÍR fékk 18 stig, B-sveit Ármanns 31, B-sveit ÍR 32, KR-sveitin einnig 32 og loks C-sveit Ármanns 51 stig.

Keppt var nú í fyrsta sinn í 5 manna sveitum og þá um „Coca-Cola“-bikarinn sem verksmiðjan Vífilfell gaf til hlaupsins. Um hann gilti sú regla að hann skyldi vinna sú sveit er fyrst fengi fimm menn löglega að marki, eins og þar sagði. Þar varð sveit ÍR hlutskörpust; fimmti maður ÍR varð í 10. sæti í hlaupinu en fimmti maður Ármanns í því 11. Hefði stigakeppni gilt um Coca-Cola-bikarinn hefðu Ármenningar hampað honum með 28 stigum gegn 37 stigum ÍR.

Mikill skari áhorfenda lét ekki nokkuð vont veður og slyddubyl aftra sér frá því að fara á hlaupið. Fékk hann nokkuð fyrir sinn snúð því keppnin um hver fyrstur yrði í mark var hörð og skemmtileg. Veðrið óskemmtilega mun ekki hafa háð hlaupur­unum að neinu ráði.

Í upphafi hlaupsins tók hinn nýi Ármenningur, Rafn Eiríksson, forustuna og hélt henni lengst af. Þórður Þorgeirsson fylgdi honum þó fast á eftir og fór fram úr rétt áður en komið var í Hljómskálagarðinn. Jók hann síðan bilið og sigraði með talsverðum yfirburðum annað árið í röð. Rafn var þrotinn að kröftum og varð á síðustu metrunum einnig að hleypa félaga sínum Herði Haf­liðasyni fram úr sér. Munaði aðeins rúmri sekúndu á Ármenningunum þremur í öðru til fjórða sæti.

Í upphafi hlaupsins tók hinn nýi Ármenningur, Rafn Eiríksson, forustuna og hélt henni lengst af. Þórður Þorgeirsson fylgdi honum þó fast á eftir og fór fram úr rétt áður en komið var í Hljómskálagarðinn. Jók hann síðan bilið og sigraði með talsverðum yfir­burðum annað árið í röð. Rafn var þrotinn að kröftum og varð á síðustu metrunum einnig að hleypa félaga sínum Herði Haf­liðasyni fram úr sér. Munaði aðeins rúmri sekúndu á Ármenningunum þremur í öðru til fjórða sæti.

Hlaupinu lýst gegnum hátalara


Sigurvegari fékk bikar


Bílar verði ekki í veginum


Oddgeir og Magnúsi þakkað


Erfitt að koma hlaupinu fyrir


Úrslitin 1947


Leikskrá