Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1948

Áhorfendur flæktust fyrir einvíginu

Ármenningarnir í hlaupinu 1948; f.v.: Elínberg Konráðsson (8), Hörður Hafliðason (3), Stefán Gunnarsson (1), Njáll Þórodsson (4) og Stefán Hjaltalín (11). Sigursveitina skipuðu Stefán, Hörður og Njáll.Þrátt fyrir litla þátttöku – aðeins 11 keppendur mættu til leiks – var 33. Víðavangshlaup ÍR spennandi alla leið í mark. Ármenningar styrktu stöðu sína í langhlaupunum verulega í hlaupinu. Ekki var það einasta að Stefán Gunnarsson sigraði, heldur vann Ármannssveitin bæði Vísisbikarinn fyrir bestu þriggja manna sveitina og Coca-Cola bikarinn í keppni í 5 manna sveitum.

Þegar keppendur voru komnir þangað, sem hlaupið skyldi hefjast, vestur hjá Haga, var þar auk þess allmargt forvitinna áhugamanna, sem komu út eftir í bílum sínum til að fylgjast með hlaupinu frá upphafi. Veður var allgott, talsverð gola þó úr austnorðaustri, en hlýtt og þurrt.

Leiðin var sú sama og í fyrra. Frá Haga var hlaupið norður yfir Kaplaskjólsveg og þar í boga kringum íbúðarhúsin á túnunum, síðan suður yfir Kaplaskjólsveg hjá vegamótunum í stefnu á Grímsstaði, fram hjá viðbragðsmarkinu og suður túnin þar, fyrir neðan Hólabrekku og þaðan niður í Vatnsmýrina, skammt ofan við Tívolí. Síðan var hlaupið norður eftir endilangri Vatnsmýrinni neðan við háskólann og yfir Hringbrautina í Hljómskálagarð og endað við Hljómskálann, eftir um 3,5 kílómetra kapp.

Jens Guðbjörnsson formaður Ármanns breiddi út faðminn á móti Stefáni er hann var nýkominn yfir marklínuna.Til að byrja með voru hlaupararnir í hnapp, og það var ekki fyrr en þeir komu að utan aftur framhjá viðbragðsmarkinu að farið var að togna dálítið á millibilinu. Njáll Þóroddsson úr Ármanni var þá fyrstur, en rétt er þeir fóru framhjá, fór Stefán Gunnarsson fram úr og á hælum hans - félagi hans, Hörður Hafliðason og Þórður Þorgeirsson KR, sigurvegari í þessa hlaupi 1946 og 1947. Rétt þar á eftir voru svo Indriði Jónsson KR, Pétur Einarsson ÍR og Guðmundur Bjarnason ÍR.

Á Grímsstaðaholti komu fyrstir í ljós þrír bláklæddir hlauparar og einn hvítur, Ármenningarnir þrír og Þórður. Stefán var enn fyrstur en Þórður fast á eftir, þá Hörður og Njáll. Síðan var langt bil að Indriða, Pétri og Guðmundi. Voru hlaupararnir hvattir áfram af áhorfendum sem ekið höfðu frá viðbragðsmarkinu og út á holtið.

Strax og út í Vatnsmýrina kom herti Stefán ferðina og reyndi að losa sig við Þórð, sem gaf sig þó ekki en aftur á móti fór Hörður þá að eiga erfiðara með að halda í tvímenningana og sleppti þeim smátt og smátt. Harðvítugt einvígi hófst í mýrinni milli Stefáns og Þórðar.

>Þeir voru fyrstir að marki í Víðavangshlaupinu. Stefán Gunnarsson Á til hægri og Þórður Þorgeirsson KR. Á eftir kemur Hörður Hafliðason sem varð þriðji.Þegar þeir fóru yfir Hringbrautina tók Þórður snarpan kipp og fór fram úr Stefáni, en hann fylgdi honum og kom fljótt upp að hlið hans. Börðust þeir hlið við hlið um stund uns Þórður gaf sig, en Stefán hélt ferð sinni áfram í mark. Þórður var rétt á eftir honum en gekk illa að komast í mark fyrir áhorfendum, sem léku lausum hala innan um allan garðinn og flæktust óheppilega fyrir hlaupurunum. Hafði gríðarlegur mannfjöldi safnast saman í Sóleyjargötunni og í Hljómskálagarðinum til að horfa á hlaupið. Vegna skarans umhverfis markið var erfitt fyrir hlauparana að sjá hvar markið var.

Hörður Hafliðason varð öruggur í þriðja sæti og Njáll Þóroddsson í því fjórða en með þessum árangri lögðu Ármenningarnir grunn að sigri í keppninni liðanna. Ármann sigraði með yfirburðum í þriggja manna sveitakeppni með 8 stigum. KR hlaut 17 stig og ÍR 22 stig. KR var eina félagið sem gat mannað fimm manna sveit og hlaut því Coca-Cola bikarinn.

Ármann vann báðar bibarkeppnirnar. Vísisbikarinn fyrir þriggja manna sveit með 8 stigum gegn 17 stigum KR og 22 stigum ÍR. Og auk þess Coca-Cola bikarinn, sem enn er ekki til (verið að smíða hann) og er þó búið að keppa úm hann í tvö skipti og veittu er því félagi. sem á sinn fimmta mann fyrstan í mark. Aukinheldur hlaut Stefán sérstakan farandbikar, ÍR-bikarinn, fyrir sigurinn.

Mikið efni á ferð


Of löng skref


Gæsla mátti vera betri


Hljóp 18. sinni


Þroskandi fyrir sálina


Úrslitin 1948


Leikskrá