Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1953

Kristján vann með yfirburðum

Veður var kalt og hvasst og skilyrði því afar slæm fyrir hlauparana 18, sem röðuðu sér upp á rásmarki 38. Víðavangshlaups ÍR, á Melavelli sumardaginn fyrsta 1953. Sextán þeirra komu að marki en langfljótastur þeirra varð Kristján Jóhannsson ÍR. Yfirburðir hans voru afgerandi miklir því hann varð 20 sekúndum á undan næsta manni.

>Kristján Jóhannsson í kunnuglegri stöðu, fer hér fremstur í Víðavangshlaupi ÍR 1955. Kristján var í sérflokki, lét hvassviðrið ekki á sig fá og tók þegar forustuna er út af vellinum kom og hélt henni alla leið. Jók hann stöðugt bilið eftir því sem nær dró endamarki. Eftir um 3,2 km hlaup kom hann í mark 100 metrum á undan næstu mönnum og vann þar með sigur í hlaupinu annað árið í röð.

Þegar út í Vatnsmýri kom virtist erfitt að segja hverjir skipa myndu næstu sæti, því fjórir hlauparar virtust jafnir. Sigurður Guðnason hafði lengst af forystu í þessum hópi, alveg inn í Hljómskálagarð, og sýndist líklegastur til að hreppa annað sætið á eftir félaga sínum.

En þá létu Austfirðingarnir Bergur Hallgrímsson og Níels Sigurjónsson, sem fylgst höfðu að allt hlaupið, til skarar skríða. Skutust þeir framhjá Sigurði og komu í öðru og þriðja sæti í mark. Og mátti ekki miklu muna að Sigurgeir Bjarnason úr Þrótti næði Sigurði líka. Árangur Austfirðinganna tveggja í hlaupinu þótti koma á óvart.

Hlaupaleiðin var svipuð og undanfarin ár. Hlaupinn var fyrst einn hringur á Melavelli, síðan út af vellinum suður til Einarsstaða, um Fornhaga, Ægissíðu og Dunhaga, norður Þormóðsstaðaveg niður í Vatnsmýri, yfir Reykjavíkurveg og norður mýrina inn í Hljómskálagarð og endað við Hljómskálann.

Aðeins tvö félög, ÍR og Ungmennafélag Keflavíkur sendu fullskipaðar sveitir í sveitakeppnina. Í einstaklega jafnri 3ja manna sveitakeppni bar ÍR sigur úr býtum, átti 1., 4. og 12. mann að marki og hlaut í annað sinn verðlaunabikar þann sem Hallgrímur Benediktsson stórkaupmaður hafði gefið til keppninnar. ÍR hlaut 11 stig en UMFK 12.

Í sveitakeppni 5 manna urðu Keflvíkingar hins vegar hlutskarpastir, eins og spáð hafði verið. Áttu þeir 6., 7., 8., 10. og 11. mann að marki og hlaut UMFK 25 stig en ÍR-ingar fengu 30 stig. Þar var keppt um verðlaunabikar frá Sanitas og hlutu Keflvíkingar hann nú í fyrsta sinn. Handhafi hans frá í fyrra var ÍR.

Áhuganum ábótavant


Úrslitin 1953