Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1954

Eyfirðingar og Austfirðingar sigra

Þriðja árið í röð fór Kristján Jóhannsson með sigur af hólmi í Víðavangshlaupinu 1954 en að þessu sinni keppti hann á ný fyrir Ungmennasamband Eyjafjarðar (UMSE). Utanbæjarmenn voru menn dagsins því Eyfirðingar unnu 3ja manna sveitakeppnina og Austfirðingar fimm manna bikarinn.

Austfirðingar létu að sér kveða í Víðavangshlaupi ÍR bæði 1954 og 1955. Hér eru keppendur síðara árið, f.v.: Níels Sigurjónsson, Óskar Sigurðsson, Guðmundur Hallgrímsson, Bergur Hallgrímsson, Már Hallgrímsson og Rafn Sigurðsson.Í hinu yndislega veðri sem var í bænum beið Kristján ekki boðanna heldur tók forustuna þegar í byrjun og hélt henni alla leið. Tvísýnt var lengi um annað og þriðja sæti en um það slógust þeir Sigurður Guðnason ÍR og Bergur Hallgrímsson UÍA. Inni í Hljómskálagarðinn gerði Sigurður síðustu tilraunina að losa sig frá þessum Austfirðingi, en Bergur átti meira eftir og komst fram fyrir Sigurð aftur og kom annar í mark.

Kristján hljóp rúmlega þriggja kílómetra leiðina á 11:05,2 mín. og varð 10 sekúndum á undan Bergi sem hljóp á 11:15,0. Þriðji varð svo Sigurður á 11:22. Styrkur ÍR í hlaupinu var tekinn að dala því næstu menn félagsins urðu í aðeins í 10. og 11. sæti. Athyglisvert var, að af 18 þátttakendum voru 14 utanbæjarmenn.

Það merkilegasta við hlaupið að þessu sinni var, að flestir keppendur voru frá Hafnarnesi. Austfirsku smáþorpi, sem taldi 30 manns við síðasta manntal, en það er á nesinu milli Stöðvarfjarðar og Fáskrúðsfjarðar. Sendi ungmennafélagið þar, Skrúður, sex keppendur í hlaupið, sem stóðu sig með miklum ágætum. Voru þeir félagarnir allir náskyldir m. a. þrír bræður. Var þessi þátttaka ungmennafélagsins mjög lofsverð og máttu önnur félög taka það sér til fyrirmyndar.

Í þriggja manna sveitarkeppni varð geysihörð keppni milli sveita UMSE og UÍA. Með aðeins einu stigi unnu þeir fyrrnefndu bikar sem Hallgrímur heitinn Benediktsson stórkaupmaður gaf; hlutu 12 en UÍA 13. Í þriðja sæti varð ÍR-sveitin með 24 stig, í fjórða sveit Ungmennafélags Keflavíkur með 35 og B-sveit UÍA hlaut 36 stig. Um bikar þennan var fyrst keppt 1952 og vann ÍR hann þá og í fyrra.

UÍA vann hins vegar Sanitasbikarinn örugglega sem fyrst var keppt um 1951. Þá vann Ármann hann, ÍR 1952, UMFK 1953 og UÍA í ár. Var þetta í fyrsta sinn sem bæði þessi félög vinna bikar í Víðavangshlaupi ÍR.

Hlaupið hófst á háskólavellinum, var þaðan hlaupið inn í Hljómskálagarðinn og svo um Njarðargötu til Skerjafjarðar og síðan til baka aftur neðan við háskólalóðina, inn í Hljómskálagarð aftur og endað nærri Hljómskálanum. Var leið þessi skemmtileg fyrir áhorfendur sem gátu fylgst með hlaupurunum lengst af. Nítján keppendur voru skráðir til leiks og mættu allir, en 18 komu að marki. Einn tognaði á leiðinni og varð að hætta hlaupinu.

Hallar á höfuðborgina


Mannmergð í bænum


Að mestu á götum


Flestir frá litlu þorpi


Kristján löglegur í keppni


Úrslitin 1954


Leikskrá