Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1955

ÍR vann sveitakeppnina, Svavar fyrstur

Frá upphafi 40. Víðavangshlaups ÍR, árið 1955. Helgi frá Brennu gefur merki um að hlaupið sé að hefjast en hann var ræsir hlaupsins í mörg ár. Ólafur Sveinsson, sem sigraði í þriðja og fjórða hlaupinu, fylgist með að brautin sé hrein. Veðurguðirnir brostu við keppendum í fertugasta Víðavangshlaupi ÍR og reyndar öllum bæjarbúum er sumardagurinn fyrsti árið 1955 rann upp í höfuðstaðnum. Veður var mjög gott, logn, sólskin og fremur hlýtt. Fjöldi manns var saman kominn í Hljómskálanum til þess að horfa á hlaupið í blíðu þessari og njóta skemmtilegrar keppni.

Það mun hafa vakið nokkra undrun og um leið ánægju og eftirvæntingu er það varð kunnugt að Kristján Jóhannsson, sigurvegari þriggja síðustu ára, skyldi taka þátt í hlaupi þessu svo stuttu eftir að hann stórslasaðist síðastliðið sumar, en hann hafði ekki náð sér til fulls af meiðslum sínum.

Hlaupið hófst i birkilundinum í Hljómskálagarðinum vestan við Tjörnina. Las þar hlaupastjórinn Jón Kaldal, sern var sigurvegari í hlaupinu fyrstu tvö árin sem það fór fram, upp nöfn þátttakendanna. Helgi Jónasson frá Brennu ræsti svo hlauparana af stað. Leiðin lá fyrst nokkuð um garðinn og skiptust þeir á um forystu Sigurður Guðnason ÍR og síðan Svavar Markússon KR.

Svavar Markússon kemur fyrstur á mark í 40. Víðavangshlaupi ÍR.Og þrátt fyrir að vera ekki í fullu fjöri var Kristján Jóhannsson ÍR svo í fararbroddi er hlaupararnir hlupu út úr garðinum. Þaðan lá leiðin suður að prófessorabústöðunum, yfir mýrina að Njarðargötu, þaðan í nokkrum krókum inn í garðinn aftur. Vegalengdin var fjórir kílómetrar og þrátt fyrir æfingaskort sinn hélt Kristján forustu í hlaupinu um það bil helming leiðarinnar.

En örskammt á eftir honum hélt sig ungur maður, einbeittur á svip er keppti hér í fyrsta sinni í þessu sögulega hlaupi. Þetta var Svavar Markússon sem tók svo forystu. Rétt áður en þeir Kristján komu á Njarðargötuna, fyrir sunnan Tívoli, dró nokkuð sundur með þeim um stund en síðan mun bilið hafa haldist svipað og kom Svavar langfyrstur í mark.

Er líða tók á hlaupið dró saman með þeim Stefáni Árnasyni frá UMSE og Kristjáni og leit út fyrir að sá fyrrnefndi mundi komast fram fyrir í Hljómskálagarðinum. En er Kristján varð Stefáns var tók hann endasprett sem hinn efnilegi hlaupari réði ekki við. Síðan leið góð stund þar til næsti maður kom en það var Hafsteinn Sveinsson frá Selfossi. Svavar rann skeiðið á 10:12,4 mín., Kristján á 10:25,4 mín. og Stefán á 10:29,4 mín.

ÍR-ingarnir sem sigruðu í 3ja og 5 manna sveitakeppninni 1955 (f.v.) Heiðar Georgsson, Sigurður Guðnason, Kristján Jóhannsson, Sigurgeir Bjarnason og Hilmar Guðjónsson.Svavar þótti sýna mikinn styrkleika í hlaupinu og virtist í mikilli og góðri þjálfun. Stefán og Hafsteinn þóttu sömuleiðis hlaupa mjög vel en þeir sigruðu marga þekkta hlaupara. Einna mest þótti hins vegar til afreks Kristjáns koma og var hann sterkari en flestir eða allir bjuggust við. Fyrir örfáum mánuðum höfðu læknar talið að vafasamt væri að hann gæti nokkru sinni hlaupið framar vegna meiðsla á fæti er hann hlaut í bifreiðaslysi á Eyjafjarðarbraut vorið 1954. En Kristján æfði af þolgæði og viljafestu og sigraðist á lemstruninni af fádæma einurð, skapfestu og viljaþreki á þann hátt sem eftirminnilegt varð.

Skráðir keppendur voru 26, en tveir voru forfallaðir og mættu því 24 og luku allir keppni.Segja má að KR hafi innrammað fertugasta Víðavangshlaup ÍR því auk sigurs hins bráðefnilega tvítuga Svavars Markúsonar varð síðastur Oddgeir Sveinsson, í sínu 25. ÍR-hlaupi, 45 ára að aldri. Oddgeir hafði einu sinni farið með sigur af hólmi í Víðavangshlaupi ÍR, eða 1931.

ÍR-ingar færðu félagi sínu gjöf á afmæli hlaupsins; sigur í báðum sveitakeppnum þess. ÍR sigraði í þriggja manna sveitakeppni með 17 stigum. Sigursveitin frá í fyrra, UMSE, hlaut 19 stig, UÍA 27 stig og Skarphéðinn 30 stig. Í fimm manna sveitakeppni sigraði ÍR með 42 stigum, UÍA hlaut 48 og UMSE 53 stig

Sígildur íþróttaviðburður


Vegleg verðlaun


Oddgeirs þáttur Sveinssonar


Áttu allir heima í sama húsinu


Svavar sá eini með tvennu á sama ári


Hlupu af leið


Kaldal kom fram


Merkasti íþróttaviðburðurinn


Kaldal og Brennu-Helgi


Léleg þátttaka úr Reykjavík


Ræður haldnar


Úrslitin 1955


Leikskrá