Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1962

Lítil þátttaka og rislágt hlaup

Kristleifur Guðbjörnsson KR slítur marklínuna 1962 ögn á undan félaga sínum Agnar Levý.Heldur þótti fjölmiðlum illa komið fyrir Víðavangshlaupi ÍR er aðeins sex keppendur frá fjórum félögum höfðu tilkynnt þátttöku í hlaupinu 1962. Höfðu skráðir keppendur aldrei verið færri. Árið áður voru þeir átta sem þótti afburða slakt og voru Reykjavíkurfélögin gagnrýnd þá fyrir að eiga aðeins þrjá keppendur. Að þessu sinni mætti aðeins ein þriggja manna sveit og gekk bikarinn fyrir sigur í fimm manna sveit því ekki út.

„Þátttaka í hlaupinu var óvenjulega lítil og má undarlegt kallast hversu Íslendingar eru daufir fyrir þátttöku í slíkri keppni, en erlendis skipta þátttakendur hundruðum í ámóta hlaupum,“ sagði Morgunblaðinu um keppendafæðina. Aðeins einu sinni áður höfðu jafn margir komið í mark, árið 1957.

Upphaf hlaupsins og endir var í Hljómskálagarðinum og hlaupaleiðin svipuð og undanfarin ár. Í upphafi tók Jón Guðlaugsson HSK forystu og hélt henni fyrstu mínúturnar. Þá komu KR-ingarnir Kristleifur Guðbjörnsson og Agnar Levý til sögunnar. Milli þeirra hófst hörð barátta og áhorfendur undruðust mjög hvað Agnari hafði farið fram. Í lokin munaði aðeins nokkrum metrum á honum og Kristleifi, sem sigrað hefur með miklum yfirburðum í hlaupinu undanfarin ár. Reyndar sagði Tíminn, að Kristleifur hafi ekki lagt hart að sér í hlaupinu, heldur aðeins hlaupið til sigurs. Fagnaði hann sigri í hlaupinu þriðja árið í röð, hljóp á 9:24,2 mín. en Agnar á 9:24,6. Þriðji varð Þingeyingurinn Halldór Jóhannsson, léttur og skemmtilegur hlaupari.

KR vann nú í annað sinn bikar, sem Hallgrímur heitinn Benediktsson, stórkaupmaður gaf til keppni um í Víðavangshlaupinu 1952 og hafði ekki gengið út enn.

Í fiskvinnu í tvo sólarhringa


Úrslitin 1962