Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1983

Hafsteinn sterkastur í lokin

Ljóst var að í Víðavangshlaupi ÍR 1983 bættist nýtt nafn á sigurvegaraskrá hlaupsins því engir fyrrverandi sigurvegarar voru meðal þátttakenda. Mjög erfitt þótti að spá fyrir um líklegan sigurvegara því fleiri komu til greina en oft áður. Mestar líkur voru þó taldar á að barátta stæði milli ÍR-inganna Sighvats Dýra Guðmundssonar, Steinars Friðgeirssonar og Hafsteins Óskarssonar svo og Einars Sigurðssonar UBK.

Hafsteinn Óskarsson ÍR kemur fyrstur í mark í 68. Víðavangshlaupi ÍR, annar er Einar Sigðursson UBK. Grillir síðan í þriðja mann, Sighvat Dýra Guðmundsson ÍR, að baki Einars.Fátt minnti á sumarkomu í Reykjavík á sumardaginn fyrsta. Mikið rok var og kuldi á meðan Víðavangshlaup ÍR fór fram, 11 sekúndumetra norðanvindur og tveggja stiga frost. Vegna þessara aðstæðna mátti búast við keppnistaktík þar sem menn myndu reyna spara kraftana sem mest og hlaupa þess vegna í hnapp meðan móti var að sækja.

Sú varð og raunin og framangreindir tóku forystuna þegar í upphafi hlaups og fylgdust að. Það var ekki fyrr en 180 metrar voru eftir í mark að Hafsteinn tók forystuna í hlaupinu og sigraði örugglega. Hljóp hann mjög létt í lokin og átti nóga krafta eftir er hann kom í mark.

„Þetta var mun léttara en ég átti von á. Ég reyndi lengst af að hlaupa í skjóli við þá Einar og Sighvat og lét þá hafa fyrir því að kljúfa vindinn sem var sterkur. Og þegar komið var á lokaprettinn þá átti ég nóg eftir,“ sagði Hafsteinn við Morgunblaðið eftir sigur sinn.

Ragnheiður Ólafsdóttir FH varð sigurvegari í kvennaflokki, var þar í algjörum sérflokki, tveimur mínútum á undan Aðalbjörgu Hafsteinsdóttir HSK og þremur á undan þriðju komnu, Fríðu Bjarnadóttur ÍR.

ÍR-ingar fóru með sigur af hólmi í öllum sveitarkeppnum hlaupsins. Í 3ja manna, 5 manna og 10 manna sveitarkeppni karla, 3ja manna sveit kvenna og sveinakeppninni.

Yfir eitundrað manns höfðu skráð sig til leiks en sem oft hefur viljað verða skiluðu þeir sér ekki allir á vettvang. Þrátt fyrir hinar erfiðu aðstæður hlupu rúmlega 70 manns og ekki var að sjá annað en að allir hefðu ánægju af. Margir þeirra fóru í hlaupið með ólympíuhugsjónina að leiðarljósi; að það sem mestu máli skipti var að taka þátt.

Aldrei eins kalt og hvasst


Ragnheiðartvenna


Úrslitin 1983