Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1987

Már vann fyrsta sigur Keflvíkings

Víðavangshlaup ÍR er jafn árvisst og jól og páskar. Það var í fyrradag, sumardaginn fyrsta, og alls mættu til leiks 85 keppendur,“ sagði Þjóðviljinn réttilega í stuttri og hnitmiðaðri frásögn af 72. hlaupinu, árið 1987. Þátttakendur voru öllu færri en síðustu ár en alls hlupu 19 konur og 66 karlar og komu allir í mark. Þar á meðal voru að minnsta kosti sex erlendir ríkisborgarar, fjórir bandarískir og tveir hollenskir. Hlaupin var um 4 kílómetra vegalengd, nær sú sama og undanfarin ár.

Steinunn Jónsdóttir (t.v.) og Hulda Pálsdóttir gátu brosað breitt en þær urðu í fyrstu tveimur sætum í kvennaflokki.Már Hermannsson úr Keflavík var nokkuð öruggur með sigur í hlaupinu. Honum hafði farið mikið fram frá síðustu tveimur árum en hann varð í þriðja sæti í fyrra og fjórða í hitteðfyrra.

Að baki Má háðu átta hlauparar jafna og tvísýna keppni nær alla leiðina um næstu sæti. Jóhann Ingibergsson FH var þeirra sterkastur þegar á leið. Steinn Jóhannsson FH, Kristján Skúli Ásgeirsson ÍR, FrímannHelgason FH og Bessi Jóhannsson ÍR hlupu allir vel en þar voru á ferðinni ungir hlauparar í mikilli framför.

FH-ingar áttu þrjá af fyrstu fimm mönnum í mark og sigruðu því léttilega í 3ja manna sveitakeppni karla. ÍR-ingar unnu aftur á móti keppni í 5 og 10 manna sveitum karla og þriggja manna sveit 30 ára og eldri. Hörðust var keppnin um sveinabikarinn en þar sigraði þriggja sveina sveit UBK eftir harða keppni við sveit FH. ÍR-ingar unnu til eignar bikara fyrir 10-manna sveit og 3ja manna sveit karla 30 ára og eldri.

Fyrst kvenna í mark varð Steinunn Jónsdóttir Ármanni en hún kom í mark í 28. sæti í heildina. Stöllur hennar úr Ármanni urðu í næstu tveimur sætum, Hulda Björk Pálsdóttir og Hildur Inga Björnsdóttir, en þær komu í mark í 33. og 35. sæti í heildina. Unnu Ármannsstúlkurnar því sveitakeppni kvenna með minnstu mögulegu stigatölu og hlutu Morgunblaðsbikarinn til varðveislu annað árið í röð.

Már Hermannsson UMFK kemur fyrstur í mark í Víðavangshlaupi ÍR á sumardaginn fyrsta eftir 13 mínútna og 24 sekúndna sprett. Alla bikarana utan eins, sem keppt var um, 9 að tölu, gaf Morgunblaðið. Níunda bikarinn gaf Júlíus Hafstein, formaður Íþróttabandalags Reykjavíkur, til keppni í meyjaflokki. Vann sveit HSK hann og má því segja, að verðlaun í hlaupinu að þessu sinni hafi dreifst á mörg félög.

Elsti keppandinn í karlaflokki og hlaupinu öllu var Jón Guðlaugsson, 61 árs. Hann sýndi styrk og varð í 57. sæti. Hljóp Jón að þessu sinni sitt 28. hlaup og hefur enginn hlaupiö Víðavangshlaup ÍR oftar. Oddgeir Sveinsson KR hljóp 25 sinnum og það í röð, en Jón hefur misst úr eitt ár, 1964. Hans fyrsta Víðavangshlaup ÍR átti sér stað 1959.

Í kvennaflokki var Vigdís Jónsdóttir ÍR elst, þó ekki nema 32 ára. Í meyjaflokki sigraði Guðrún Erla Gísladóttir HSK á 18:32 mín. og Ísleifur Karlsson UBK sigraði í sveinaflokki á 15:56 mín.

Leyst út með vörum


Úrslitin 1987


Leikskrá