Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1989

Már hljóp frá keppinautunum

Sigurvegarar síðustu ára strax orðnir fremstir á fyrstu metrum Víðavangshlaups ÍR 1989. Már Hermannsson (65) vann 1987 og hafði nú betur í viðureigninni við Jóhann Ingibergsson sem vann í fyrra. Aðrir eru (f.v.) Gunnlaugur Skúlason (74), Daníel Smári Guðmundsson (71), Steinn Jóhannsson, og Guðmundur Skúlason (6).Búist var við harðri keppni í 74. Víðavangshlaupi ÍR, á sumardaginn fyrsta 1989. Árið áður háðu þeir Hafnfirðingurinn Jóhann Ingibergsson FH og Keflvíkingurinn Már Hermannsson einstaklega hart einvígi um sigurinn og báðir voru mættir til leiks á ný og í sínu besta formi. En eftir úrslitum vetrarhlaupanna að dæma þóttu margir fleiri líklegir til að blanda sér í baráttuna. Þar voru meðal annarra nefndir til sögunnar Guðmundur Skúlason FH, Hannes Hrafnkelsson KR, Steinn Jóhannsson FH, Daníel Guðmundsson USAH, Gunnlaugur Skúlason UMSS, Frímann Hreinsson FH og Kristján Skúli Ásgeirsson ÍR, en þeir höfðu allir staðið sig vel í vetrarhlaupunum.

Eigi varð úr rimmunni miklu sem spáð hafði verið. Már, 23 ára bankamaður úr Keflavík, tók fljótt forystu. Fór greitt og fékk enga mótspyrnu. „Ég er í góðri æfingu, líklega betri en nokkru sinni. Hef æft vel og skipulega undir leiðsögn mjög góðs þjálfara, Eyjólfs Magnússonar. Það munar öllu að hafa góðan þjálfara,“ sagði Már eftir eftir glæsilegan sigur sinn.

Már hafði verið besti langhlaupari landsins í nokkur ár og sigraði nú öðru sinni í hlaupinu; vann 1987 og varð annar í fyrra. Eins og áður segir stakk hann bókstaflegaf af í byrjun. „Ég átti von á meiri keppni,“ sagði Már en hann var um hundrað metrum á undan Guðmundi Skúlasyni, sem varð annar, en hann tók þátt í Víðavangshlaupi ÍR í fyrsta sinn. Frímann Hreinsson FH varð þriðji og í fyrsta sinn á verðlaunapalli í hlaupinu. Sigurvegarinn í fyrra, Jóhann Ingibergsson, varð fjórði, sekúndu á eftir Frímanni.

Keppendur lagðir af stað í Víðavangshlaup ÍR 1989. Lengst til hægri er Margrét Brynjólfsdóttir UMSB, þá Arnaldur Gylfason ÍR (104), Helgi Bjarni Birgisson ÍR (99), Sigurjón Andrésson ÍR og Höskuldur Guðmansson (124).Mörthu Ernstsdóttur úr ÍR hafði verið bókaður sigur í kvennaflokki sakir yfirburði hennar á hlaupabrautum og víðavangi á nýliðnum vetri. Gekk það eftir og vann hún sinn annan sigur í röð í Víðavangshlaupi ÍR og þriðja frá upphafi en hún vann hlaupið einnig 1986. Svo öflug var Martha orðin sem langhlaupari að einungis átta karlar voru á undan henni í mark en yfir marklínuna hljóp hún í níunda sæti. Næstu konur urðu í 16. og 20. sæti, Margrét Brynjólfsdóttir UMSB og Fríða Rún Þórðardóttir UMSK.

Rúmlega eitthundrað voru skráðir en mættu ekki allir til leiks. Í mark kom 91 hlaupari. Í sveinaflokki varð sigurvegari Orri Pétursson, efnilegur hlaupari úr UMSK, og í meyjaflokki Þorbjörg Jensdóttir, 14 ára stúlka úr ÍR. Fríða Bjarnadóttir UMSK varð fyrst 14 kvenna 30 ára og eldri í mark og Sighvatur Dýri Guðmundsson ÍR fyrstur 25 karla eldri en 30 ára.

Keppt var í átta sveitum og gaf Morgunblaðið alla bikarana sem keppt var um. FH-ingar unnu þriggja manna sveitkeppni karla, áttu 2., 3. og 4. mann í mark. Hlutu þeir 9 stig en ÍR-sveitin 22 stig. ÍR-ingar unnu 6 bikara, urðu hlutskarpastir í keppni 5 og 10 manna sveita í karlaflokki, áttu fyrstu þriggja manna sveit öldunga, sveit fyrstu þriggja sveina, fyrstu þriggja meyja sveit og fyrstu þriggja kvenna sveit. Dugmiklar húsmæður úr Trimmklúbbi Seltjarnarness, sem tóku þátt í hlaupinu sér til ánægju og settu mikinn svip á hlaupið, unnu hins vegar bikar þriggja kvenna sveitar 30 ára og eldri.

Einkennilegt tómlæti


Skyldu æfa á morgnana


Úrslitin 1989


Leikskrá