Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1996

Sigmar kemst í úrvalshóp

Borgfirðingurinn Sigmar Gunnarsson komst í úrvalshóp hlaupara er hann vann 81. Víðavangshlaup ÍR, árið 1996. Var það fjórði sigur hans í röð en slíkt höfðu aðeins þrír hlauparar afrekað. Sverrir Jóhannesson, KR, á árinum 1936 til 1939, Stefán Gunnarsson, Ármanni, 1948 til 1951 og Kristleifur Guðbjörnsson, KR, frá 1960 til 1963.

Borgfirðingurinn Sigmar Gunnarsson tók snemma forystuna í Víðavangshlaupi ÍR á sumardaginn fyrsta. Hér er hann þegar fremstur í flokki.  „Þetta var óvenju öruggur sigur. Ég átti von á mun meiri keppni en raun varð á en margir sterkir hlaupar létu sig vanta að þessu sinni,“ sagði Sigmar að afreki sínu unnu. Hann tók forystu snemma og hljóp mestan hluta leiðarinnar án viðspyrnu frá öðrum þátttakendum.

Sigmar kvaðst ekki hafa verið í þeirri æfingu sem hann hefði kosið. „Ég hef lítið æft upp á síðkastið og þess vegna kom sigurinn mér á óvart en það hjálpaði mér að aðrir hlauparar voru ekki í betri æfingu en ég. En ég vonast til þess að komast í betra form fyrir sumarið,“ sagði hann við Morgunblaðið.

Sigmar var glaður með þann áfanga að hafa sigrað í fjórða sinni í röð og reiknaði með að vera meðal þátttakenda að ári. „Það þarf eitthvað óvænt að gerast til þess að svo verði ekki.“

Í öðru sæti varð Gunnlaugur Skúlason UMSS annað árið í röð og í þriðja sæti hafnaði annar Borgfirðingur, Guðmundur Valgeir Þorsteinsson. Á þeim Sigmari og Gunnlaugi munaði 26 sekúndum en hörð keppni var um annað sætið milli Guðmundur Valgeirs og Gunnlaugs og munaði þar aðeins fjórum sekúndum í lokin.

Mun meiri keppni varð í kvennaflokki og skildu aðeins tvær sekúndur að fyrstu og aðra konu í mark. Laufey Stefánsdóttir úr FH kom fyrst í mark í kvennaflokki, kom yfir marklínuna tveimur sekúndum á undan Gerði Rún Guðlaugsdóttur úr ÍR sem kom á hæla henni. Í þriðja sæti varð Hólmfríður Ása Guðmundsdóttir UMSB.

„Mér fannst þetta hlaup frekar erfitt og ég hvíldi ekkert fyrir það. Hélt bara mínu striki við æfingaáætlun sumarsins,“ sagði Laufey í Morgunblaðinu og var ánægð með sigurinn, en hún keppir yfirleitt í millivegalengdum. „Við vorum þrjár að kljást um sigurinn og ég náði forystu eftir fyrri hringinn en Gerður var alltaf rétt á eftir mér og ég rétt hafði hana. Annars var þetta fínt hlaup í góðu veðri,“ bætti hún við.

Laufey varð önnur í fyrra en Gerður var þá fjórða. Sigurvegari þriggja undanfarinna ára, Anna Jeeves, hljóp ekki að þessu sinni þar sem hún hafði nýlega tekið þátt í Lundúnamaraþoninu.

Borgfirðingar náðu því takmarki sínu að vinna sigur í keppni 3ja manna sveita. Auk þeirra Sigmars og Guðmundar Valgeirs var Reynir Jónsson í sigursveitinni. Í öðru sæti varð sveit FH og sveit ÍR þriðja. Styrkur hlaupara UMSB dugði einnig til sigurs í fimm manna sveit en ÍR-ingar unnu svo keppni í 10 manna sveitum. Auk þess unnu gestgjafar hlaupsins sveitakeppni öldunga, sveit 3ja kvenna, öldungasveit kvenna og meyjasveit. Auk þessa var keppt í flokkum fyrirtækja, skokkklúbba, opnum flokki og fjölskylduflokki.

Þátttökumetið frá í fyrra stóð. Keppendur voru 275 eða tug færri en í fyrra. Veður meðan hlaupið fór fram var ákjósanlegt, sólskin og gola.

Aldur engin hindrun


Úrslitin 1996