Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

2002

Fádæma yfirburðir hjá Sveini

Sjaldan hafa aðrir eins yfirburðir sést í Víðavangshlaupi ÍR og er Sveinn Margeirsson úr Tindastóli kom fyrstur í mark í hlaupinu 2002. Hljóp hann nákvæmlega mælda 5 km vegalengdina á 15 mínútum og þremur sekúndum og varð 40 sekúndum á undan næsta manni, Þingeyingnum Sigurbirni Árna Arngrímssyni sem einnig keppti fyrir Tindastól og hljóp á 15:43 mín.

Rannveig Oddsdóttir Langhlauparafélagi Reykjavíkur fagnaði sínum fyrsta og eina sigri í kvennaflokki Víðavangshlaups ÍR 2002. Sveinn Margeirsson UMFT vann karlaflokkinn og það í annað sinn. Í albláum klæðnaði til hægri á myndinni er Sigurður Pétur Sigmundsson sem vann hlaupið 1984 og 1985.Ljóst var af þessu að Sveinn var í einhverri sinni bestu æfingu á ferlinum. Hann tók strax forystu í hlaupinu og megnaði enginn að fylgja honum eftir. Minnstu munaði að lið hans, Tindastóll, einokaði sætin þrjú á verðlaunapallinum því 18 ára bróðir Sveins, Ólafur, tapaði baráttu um þriðja sætið á sjónarmun á marklínu fyrir hinum reynda hlaupara Daníel Smára Guðmundssyni, sem nú keppti fyrir FH. Þeir hlutu báðir sama tímann, 16:13 mínútur og voru því 70 sekúndur á eftir Sveini.

Í humátt á eftir Daníel Smára og Ólafu var svo tæplega 16 ára hlaupari úr Tindastóli sem átti eftir síðar eftir að umskrifa metabækur langhlaupanna. Þar var á ferð Kári Steinn Karlsson, Íslandsmethafi í öllum vegalengdum 5 km og lengri. Átti hann meðal annars eftir að sigra margsinnis í Víðavangshlaupi ÍR, eins og síðar verður fjallað um.

Rannveig Oddsdóttir Langhlauparafélagi Reykjavíkur kom fyrst kvenna í mark og hljóp á 18 mínútum og 35 sekúndum. Önnur varð Björg Árnadóttir ÍR-Skokki á 20:26 mín. og sekúndu á eftir henni í þriðja sæti varð Helga Björnsdóttir Skokkklúbbi Flugleiða á 20:27 mín.

Alls tóku 223 keppendur þátt í hlaupinu að þessu sinni. Er það heldur færra en í fyrra, en þá tóku 276 þátt en metið er 314 frá 1999. Sem og undanfarin ár hófst 87. Víðavangshlaup ÍR við Ráðhús Reykjavíkur klukkan 13 og keppnisvegalengdin var 5 km. Allir sem luku keppni fengu verðlaunapening og veitt voru sérstök verðlaun fyrir 1. sæti í hverjum aldursflokki.

Eins og úrslitin báru með sér vann Tindastóll þriggja manna sveitakeppni hlaupsins. Félagið átti fimm af fyrstu sjö mönnum í mark og því varð B-sveit félagsins önnur en A-sveit ÍR í þriðja sæti. Þriggja kvenna sveit vann FH og keppni 7 manna skokksveita vann sveit Langhlauparafélags Reykjavíkur. Sveitina skipuðu Þorlákur Jónsson, Rannveig Oddsdóttir, Heimir Snorrason, Jóhannes Páll Friðriksson, Valtýr Gauti Gunnarsson, Ebba Kristín Baldvinsdóttir og Jón Birgir Jóhannsson.

Þriggja manna sveitakeppni í opnum flokki vann svo Íhyglifélagið, en sveitina skipuðu gamalkunnir hlauparar sem farnir eru að reskjast; Hafsteinn Óskarsson, Sigurður Pétur Sigmundsson og Einar P. Guðmundsson. Sú sveit vann einnig sveitakeppni 40 ára og eldri í öllum flokkum.

Drykkjarstöð vantaði


Panta betra veður næst


Úrslitin 2002