Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

2003

Björn fyrstur og Martha sigrar áttunda sinni

Vel á þriðja hundrað manns þreytti 88. Víðavangshlaup ÍR í miðborg Reykjavíkur árið 2003. Veðurguðirnir voru þeim hliðhollir því 7°C hiti og léttur andvari var er hlaupið fór fram. Nýr maður bættist á skrá yfir sigurvegara í Víðavangshlaupi ÍR, Skagfirðingurinn Björn Margeirsson úr Breiðabliki í Kópavogi.

Björn er 43.hlauparinn til að vinna sigur í hlaupinu sem fram hefur farið árlega frá 1916. Tók hann við keflinu af bróður sínum Sveini sem vann hlaupið í fyrra, 2002, og einnig 1999. Frægt er að þeir bræður komu í fyrstu tveimur sætum í mark árið 1998 en voru dæmdir úr leik, sem aldrei hafði áður gerst í Víðavangshlaupi ÍR. Voru þeir talsvert á undan öðrum er þeir villtust undir lokin og fóru fyrir bragðið örlítið styttri leið.

Keppendur í ár fylgdust nokkrir að til að byrja með en fljótt stefndi í einvígi milli Björns og Burkna Helgasonar úr ÍR. Á endasprettinum reyndust Björn sterkari og rann hann skeiðið á 15:43 mínútum, en Burkni á 15:49. Þriðji varð svo Ólafur Árnason skíðagöngumaður frá Ísafirði, sem kepptir fyrir Héraðssamband Vestfjarða á 16:05 mínútum.

Martha Ernstdóttir ÍR varð fyrst í kvennaflokki eins og sjö sinnum áður, fyrst 1986. Svo öflugur hlaupari er Martha að einungis sex karlmenn voru á undan henni í mark. ÍR átti fyrstu þrjár konur í mark því næst Mörthu, sem hljóp á 16:59 mín., varð Gerður Rún Guðlaugsdóttir á 17:42 mínútum og þriðja Fríða Rún Þórðardóttir á 18:23 mín. Gerður Rún, sem skráð var reyndar fulltrúi Skokk-klúbbs Flugleiða, varð í 15. sæti í heildina og Fríða Rún í 23. sæti.

ÍR-ingar voru sigursælir í sveitakeppni karla og kvenna, unnu alla bikara sem í boði voru fyrir íþróttafélög.

Keppt var til verðlauna í 14 flokkum karla og kvenna: 12 ára og yngri, 13-15 ára, 16-18 ára, 19-39 ára, 40-49 ára, 50-59 ára, 60 ára og eldri. Einnig var keppt í 3ja og 7 manna sveitum fyrir íþróttafélög, skokk-klúbba og í opnum flokki, svo og í flokki 40 ára og eldri. Allir sem luku keppni fengu verðlaunapening og einnig voru veitt útdráttarverðlaun. Fyrir sigur sinn fengu fyrsti karl og fyrsta kona farandbikara til varðveislu fram að næsta Víðavangshlaupi ÍR.

Alls luku 237 keppendur hlaupinu en eins og undanfarin ár var hlaupin 5 km leið um göturnar kringum Reykjavíkurtjörn og í Hljómskálagarðinum.

Bílar og fólk fyrir


Kaffi og kökur sem gulrót


Saupsáttur skokkari


Brosandi brautarverðir


Úrslitin 2003