Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

2010-2019

2010 - Metfjöldi í sól og svala

Björn Margeirsson, fyrsti karl í Víðavangshlaupi ÍR 2010,  er hér með keppnisnúmer 930. Skammt á eftir í gulum bol með númerið 613 er Sigmar Gunnarsson UMSB sem vann ÍR-hlaupið sex sinnum í röð 1993 til 1998. Mynd þessi er úr hlaupinu 2014.

Met var sett í 95. Víðavangshlaupi ÍR á sumardaginn fyrsta 2010. Í brakandi sólskini en hita við frostmark og norðan golu sprettu 478 manns úr spori í miðborg Reykjavíkur en 459 náðu alla leið aftur í mark. Hvort tveggja var þátttökumet en þau voru bætt fjórum árum seinna, í 99. hlaupinu, 2014.

Lesa meira >>

2011 - Arndís og Þórólfur fyrst

Keppendur leggja af stað í 96. Víðavangshlaup ÍR, 2011. Arndís Ýr Hafþórsdóttir er fremst í fylkingu fyrir miðri mynd og Þórólfur Ingi Þórsson er annar frá vinstri.

Þrátt fyrir rigningu og strekkings landsynning varð 96. Víðavangshlaup ÍR hið þriðja fjölmennasta í sögunni. Aðeins næstu tvö ár á undan var það fjölmennara en alls komu 363 keppendur af 370 alla leið í mark. Klæddu þeir sig sem sagt eftir veðri og létu hvorki rigningu né rok fá á sig.

Lesa meira >>

2012 - Fjórði sigur Kára Steins

Kári Steinn Karlsson og Aníta Hinriksdóttir með verðlaun sín fyrir að vinna karla- og kvennaflokk.

Laufléttur sunnanblær strauk vanga þeirra sem voru í miðborginni um hádegisbil sumardaginn fyrsta, 19. apríl 2012. Aðstæður til hlaupa voru einstaklega góðar. Blíðskaparveður í bænum; sól skein í heiði og lofthiti var um 7°C. Gripu því margir tækifærið og alls skelltu sér 447 manns í 97. Víðavangshlaup ÍR. Minnstu munaði að tveggja ára gamalt þátttökumet félli en aðeins einu sinni höfðu fleiri hlaupið, eða árið 2010 er þeir voru 459.

Nokkur hátíðarbragur var á hlaupinu því Verkfræðingafélag Íslands hafði samið við ÍR-inga um að Víðavangshlaupið yrði jafnframt afmælishlaup Verkfræðingafélagsins sem fagnaði 100 ára afmæli þennan sama dag, 19. apríl. Að vonum var því mikið um verkfræðinga í miðborginni þennan dag og þónokkur fjöldi þeirra í hlaupinu.

Lesa meira >>

2013 - Kári Steinn og Aníta í sérflokki

Keppendur í 98. Víðavangshlaupi ÍR spretta úr spori í blíðskaparveðri í upphafi hlaupsins. Sigurvegarinn Kári Steinn Karlsson Breiðabliki er lengst til vinstri og Aníta Hinriksdóttir ÍR er skammt undan. Við hlið Kára er Stefán Guðmundsson UBK. Í gulri treyju er Ingvar Hjartarson Fjölni er varð þriðji en milli hans og Anítu með númer 213 er Hlynur Andrésson ÍR sem varð annar. Og vinstra megin við Anítu er svo Sæmundur Ólafsson ÍR er varð fjórði, en Aníta varð fimmta í mark af öllum keppendum.

Nístandi norðangustur með lofthita við frostmark hrellti þátttakendur í 98. Víðavangshlaupi ÍR á fyrsta degi sumars 2013. En jafnvel þótt aðstæður væru erfiðar, kalt og mjög hvasst auk þess sem nokkur snjórkorn féllu, þá hristu 336 hlauparar á öllum aldri í sig hita og kláruðu hlaupið með stæl. Sá elsti þeirra var 86 ára.

Lesa meira >>

2014 - Ingvar og Arndís sigra í methlaupi

Keppendur í 99. Víðavangshlaupi ÍR skömmu eftir start. Lengst til hægri er Ingvar Hjartarson úr Fjölni sem vann hlaupið. Við hlið hans er Björn Margeirsson Ármanni (númer 930) sem varð þriðji nú en sirgaði 2003, 2004 og 2010.  Fremstur fer Sæmundur Ólafsson ÍR (670) og að baki honum í fremstu fylkingu er Aníta Hinriksdóttir ÍR sem lauk þó ekki hlaupi.

Hann var hlýr dagurinn sem markar upphaf sumars og Íslendingar hafa haldið veglega upp á er 99. Víðavangshlaup ÍR fór fram. Hitastigið tveggja stafa tala en hins vegar skrúfaðist nokkur vindur upp við Ráðhús Reykjavíkur þar sem keppendur hófu og luku hlaupinu.

Lesa meira >>