hertz-hvitur_grunnur

BootCamp

Serrano

jako

landsbankinn

Subway

 

atlas

netto

Bros

tm

Portfarma

Auðmerkt

Yngri flokkar
8.5.2016

ÍR Íslandsmeistari í Drengjaflokki

ÍR varð í dag Íslandsmeistari í Drengjaflokki með sigri á Njarðvík í æsispennandi leik í Hertz-Hellinum. Eyjólfur Ásberg Halldórsson var valinn besti maður úrslitaleiksins en hann skoraði 24 stig, tók 13 fráköst og gaf 3 stoðsendingar. Hákon Örn Hjálmarsson var stigahæstur í liði ÍR með 31 stig auk þess að taka 5 fráköst og gefa þrjár stoðsendingar og Sigurkarl Róbert Jóhannesson skilaði 18 stigum og 13 fráköstum. Hjá Njarðvík var Adam Eiður Ásgeirsson stigahæstur með 23 stig og 4 stoðsendingar, Snjólfur Marel Stefánsson skoraði 17 stig og tók 9 fráköst, Gunnlaugur Sveinn Hafsteinsson var með 12 stig og Jón Arnór Sverrisson setti 9 stig, tók 6 fráköst og gaf 10 stoðsendingar.

http://karfan.is/read/2016-05-08/ir-islandsmeistari-i-drengjaflokki/ 

islm_drengjafl_ir_2016.

2.4.2016

Drengjaflokkur ÍR í körfubolta gerðu góða ferð til Svíþjóðar um páskana á Scania Cup

Drengjaflokkur ÍR í körfubolta nánar tiltekið drengir fæddir 1999 og 2000 gerðu góða ferð til Svíþjóðar um páskana á Scania Cup sem er gríðar sterkt mót þar sem saman koma sterkustu félagslið norðurlanda í hverjum aldursflokki. 
Lið ÍR hóf mótið af miklum krafti og tókst að sigra í sínum riðli og tryggja sér þannig sæti í 4 liða úrslitum. Í 4 liða úrslitum mætti liðið danska liðinu EVN basket sem er þjálfað af Craig Petersen landsliðsþjálfara karlalandsliðs Íslands og Geoff Kotila sem þjálfaði Snæfell fyrir ekki löngu með frábærum árangri. 

b
EVN basket er lið körfubolta akademíu og hefur á að skipa 5 dönskum landsliðsmönnum og einum norskum. ÍR hafði í fullu tré við danska liðið í undanúrslitum en varð að lokum að lúta í lægra haldi 63-77. ÍR spilaði því úrslitaleik um 3ja sætið og lagði þar af velli norska liðið Ullern 56'ers 79-69. Liðið spilaði gríðarlega vel í mótinu og hefði með örlítilli heppni átt möguleika á að fara alla leið í úrslit. Hákon Örn Hjálmarsson varð sigahæsti leikmaður mótsins í þessum aldursflokki en hann skoraði 129 stig eða 25,8 stig að meðaltali í leik og var hann í lok móts valinn í 5 manna úrvalslið mótsins. Sigvaldi Eggertsson sem er fæddur árið 2000 varð þriðji stigahæsti leikmaður mótsins með 84 stig eða 16,8 stig að meðaltali í leik. Allir leikmenn liðsins áttu mjög gott mót og frábær liðsbragur á liðinu. 
Þjálfari liðsins Borche Ilievski er að gera góða hluti með þessa stráka en aðstoðarþjálfarinn í þessu móti Sveinbjörn Claessen kom sterkur inn enda mikill andlegur leiðtogi og fyrirmynd ungra manna hjá félaginu.

a

12.2.2016

Poweradebikarúrslit hjá drengjaflokk á sunnudaginn

Poweradebikarúrslit hjá drengjaflokk á sunnudaginn

Drengjaflokkur ÍR í körfubolta mæti liði Njarðvíkur í Laugardalshöll á sunnudaginn. 
Leikurinn hefst klukkan 16:00 
Við hvertjum alla ÍR-inga til að mæta í Höllina í bláu og styðja við bakið á framtíðarleikmönnum okkar. 

Áfram ÍR

https://www.facebook.com/events/1528811140752150/ 

12698789_10208703265042149_1758078235_o

7.2.2016

Drengjaflokkur í Höllina næstu helgi

Í dag vann drengjaflokkur ÍR í körfubolta sigur á Þór Akureyri 96-65.

Með sigrinum tryggði liðið sér sæti í bikarúrslitunum. Þau fara fram næstu helgi í Laugardalshöllinni. 

12698789_10208703265042149_1758078235_o


29.11.2015

Árlegt jólamót ÍR og Nettó í körfubolta fór fram um helgina

 

Árlegt jólamót ÍR og Nettó í körfubolta fór fram um helgina í íþróttahúsi Seljaskóla, Hertz-hellinum. Tæplega 800 börn á aldrinum 6-11 ára mættu til leiks en í ár voru alls 167 lið skráð til keppni. 
Dagskrá helgarinnar var að vonum þétt en áætlað er að um 2000 manns hafi lagt leið sína í Hertz-hellinn á laugardag og sunnudag. 
Spilað var frá morgni til kvölds alla helgina. Mótið gekk afar vel fyrir sig og voru keppendur, þjálfarar og aðrir sem sóttu mótið frabærir gestir í alla staði. 
Ánægjan skein úr hverju andliti. 
Körfuknattleiksdeild ÍR vill nýta tækifærið og þakka þátttakendum fyrir komuna, senda þakkir til Nettó og einnig öllum þeim fjölmörgu sjálfboðaliðum sem komu að skipulagningu og umgjörð mótsins. 
Án þeirra væri ógerlegt að halda mót eins og jólamót ÍR og Nettó.
8 6 1 3

 

14.10.2015

Fimmtudaginn 15. október kl 19:15 í Hertz Hellinum, hefst langþráð tímabil í Dominos deild karla.

 

Í gær var haldinn árlegur blaðamannafundur KKÍ og Domino´s í Laugardalshöll. Þar var spá fyrirliða og forráðamanna liðanna kynnt. Okkur ÍR-ingum er spáð falli eða 11.sæti í vetur. Það er trú okkar að liðið búi yfir miklum hæfileikum og að við eigum bestu stuðningsmenn deildarinnar, við eigum eftir að hrekja þennan spádóm! Hér er hægt að sjá spá fyrirliða og formanna 2015-2016 - karlar í heild sinni.
1. KR 426
2. Tindastóll 362
3. Stjarnan 354
4. Haukar 340
5. Þór Þorlákshöfn 270
6. Njarðvík 234
7. Grindavík 226
8. Keflavík 175
9. FSu 141
10. Snæfell 105
11. ÍR 95
12. Höttur 74

 

Fimmtudaginn 15. október kl 19:15 í Hertz Hellinum, hefst langþráð tímabil í Dominos deild karla. Þar tökum við á móti Tindastól hverjum alla ÍR-inga til að mæta og láta í sér heyra.

Áfram ÍR

dom_karla_lid_web2015

 

19.5.2015

Uppskeruhátíð og sumaræfingar

Fimmtudaginn 21 maí, frá kl. 17 - 19, verður uppskeruhátíð körfuknattleiksdeildar ÍR haldin í Seljaskóla. Veitt verða verðlaun og viðurkenningar fyrir vel unnin störf. Í lokin verður svo boðið upp á léttar veitingar. Hvetjum foreldra að mæta með iðkendum sínum.

image009

Sumaræfingar í Seljaskóla:

Krakkar fæddir 2004-2006
Mánud.17-18
Fimmtud. 17:30 – 18:30
Laugard. 10-11

Æfingar byrja fimmtudaginn 28. Maí og eru til laugard. 29. Ágúst

Þjálfari: Eggert Maríusson

Krakkar fæddir 2001-2003
Þriðjud. 17-18
Miðvikud. 17 – 18
Föstud. 17-18

Æfingar byrja þriðjudaginn 19. maí og eru til föstudagsins 14. ágúst

Þjálfari: Árni Eggert Harðarson

Krakkar fæddir 2000 - 1997
Þriðjud. 18-19
Miðvikud. 18-19
Föstud. 19:30 -20:30

Æfingar byrja þriðjudaginn 19. maí og eru til föstudagsins 14. Ágúst

Þjálfari: Árni Eggert Harðarson

Æfingagjöld Eru 20.000 kr. Í öllum aldurshópunum, skráning í gegnum kerfi ÍR.

29.4.2015

10. flokkur drengja í körfubolta Íslandsmeistarar í mögnuðum leik

Strákarnir í 10. flokki í körfubolta, sem eru drengir fæddir 1999 og 2000, léku til úrslita í hreinum úrslitaleik gegn Keflavík sl. sunnudag í Stykkishólmi en þar fóru fram allir úrslitaleikir yngri flokka helgina 25. og 26. apríl. Þessir drengir hafa verið mjög sigursælir undanfarin tvö keppnistímabil og landað á þeim tíma 3 titlum af 4 sem voru í boði. Leikurinn á sunnudaginn var hörkuleikur en útlitið ekki bjart í hálfleik þegar ÍR var undir 25-35. En í seinni hálfleik var blaðinu snúið við, strákarnir búnir að jafna 46-46 í lok 3. leikhluta og stungu svo hreinlega af í 4. leikhluta og lönduðu frábærum sigri 76-63. Í síðari hálfleik höfðu þeir svör við öllum tilraunum Keflvíkinga til að halda sér inn í leiknum, bæði í vörn og sókn og um gríðarlega taktískan sigur að ræða þar sem leikskipulag þjálfarans og meistarans Herberts Arnarsonar gekk fullkomlega upp.

Maður leiksins var valin Hákon Örn Hjálmarsson en hann átti frábæran leik, skoraði 31 stig (19 stig í seinni hálfleik), tók 12, fráköst, stal 4 boltum og gaf 3 stoðsendingar. Það var þó Skúli Kristjánsson sem tók liðið á herðar sér í 4. leikhluta en í þeim leikhluta einum skoraði hann 15 stig!, en hann hefur sýnt áður að hann er maður stóru leikjana og spilar best í slíkum leikjum. Þegar upp var staðið var það þó liðsheildin í síðari hálfleik sem skóp sigurinn en hver einasti maður barðist til síðasta blóðdropa um hvern einasta bolta og áttu Keflvíkingar einfaldlega ekki svör við vilja strákana til að klára leikinn. Slíkur leikur er einkenni þeirra sem vinna titila. Til hamingju ÍR ingar! 

17.4.2015

Stórleikur í Hertz Hellinum á sunnudag! 10. flokkur í undanúrslitum

Strákarnir í 10. flokki í körfubolta leika Fjölni í undanúrslitum Íslandsmótsins sunnudaginn 19. apríl kl. 16:00. Þessir drengir unnu alla titla í 9. flokki á síðasta tímabili og stefna á að verja Íslandsmeistaratitilinn í ár og þessi leikur gríðarlega mikilvægur á þeirri leið.

Þessi hópur hefur síðustu tvö tímabil leikið undir stjórn goðsagnarinnar Herberts Arnarsonar sem gerði garðinn frægan á Íslandi, Bandaríkjunum og sem atvinnumaður í Evrópu á sínum tíma. Þessi hópur hefur tekið stórstígum framförum og framtíðin hjá ÍR mjög björt.

Liðið tryggði sér farseðilinn í úrslitakeppnina í síðasta fjölliðamóti og tryggði sér heimavallarrétt í undanúrslitum. Í síðasta fjölliðamóti sigraði liðið þrjá leiki en tapaði einum, gegn Njarðvík en Njarðvík beið lægri hlut á dögunum í undanúrslitaleik gegn Keflavík. DSC_0115


Það liggur því fyrir að liðið sem sigrar í þessum leik mætir Keflavík í úrslitaleik um Íslandsmeistaratiltilinn.

31.3.2015

Yngri landslið Íslands í körfu 2014-2015

Þjálfarar yngri landsliða Íslands í körfuknattleik hafa valið 12 manna leikmannahópa sína fyrir Norðurlandamótið 2015 sem fram fer í Solna í Svíþjóð dagana 13.-17. maí.

Liðin koma saman til æfinga í byrjun maí í lokaundirbúningi sínum fyrir NM.

ÍR með leikmenn í öllum yngri landsliðum drengja. Þeir eru:


U15 

Ingvar Hrafn Þorsteinsson

U16 

 Hákon Örn Hjálmarsson

Haraldur Bjarni Davíðsson

U18

Sæþór Elmar Kristjánsson