jako

Keiluhöllin

Pistlar
20.3.2015

Framhaldsaðalfundur keiludeildar ÍR

IR_logoFramhaldsaðalfundur keiludeildar ÍR verður haldinn fimmtudaginn26. mars nk. kl.20:00 í ÍR heimilinu Skógarseli 12. 

Dagskrá:

1.     Kosning formanns. 
2.     Kosning annarra stjórnarmanna.

3.     Önnur mál 

 Kveðja, Stjórnin

 

7.5.2010

Supersix og úrslitin í sænsku deildinni.

Vil byrja á því að óska ÍR-TT og ÍR-KLS til hamingju með íslandsmeistaratitilinn.

 

Síðustu helgi var karlalandsliðið hérna í Gautaborg að spila í Supersix eins og flestir vita, það var mjög erfiður olíuburður eins og sást á skorinu en það þurfti 1245 til að komast í úrslit og það er mjög sjaldan sem það krefst minna en 1300 til að komast áfram.

Sjálfur spilaði ég ekki alveg nógu vel og missti því miður staka pinna sem að gerist ekki venjulega en það kostaði mig úrslitasæti þar sem að ég fékk 1230 í mínu síðasta starti, hins vegar kom supersix kongurinn sjálfur Arnar Sæbergsson og skellti sér inn í úrslit og sýndi það þar sem mér og hinum strákunum tókst ekki að við kunnum þetta alveg, vel gert hjá honum en því miður gekk ekki nógu vel í úrslitunum hjá honum og endaði hann í 29. Sæti, sigurvegarinn varð Dennis Eklund frá Sundbybergs IK sem vann naumlega á móti Martin Larsen en þegar Martin þurfti að setja fyrstu felluna í 10. rammanum þá vaggaði 7an en neitaði að detta og Martin fékk að sætta sig við annað sætið.

En nóg um það og að aðalmálinu úrslitahelgin í Jönköping!

Við mættum í Jönköping í gær og byrjuðum að æfa, olíburður WTBA Sidney 33 fet, þetta er ekki alveg eins og flestir stuttir olíuburðir sem að maður fær að kynnast þar sem að það er oftast í lagi að missa boltann aðeins út þar sem að kanturinn er svo þurr að boltinn beygir til baka heldur ef að maður missir boltann út á kantinn þá bara fer hann beint þannig það maður verður að halda boltanum beinum á kantinum og bara einfaldlega ekki missa merkið sitt.

Við erum að spila mest með urethane boltum í byrjun en svo er hægt að færa sig innar í brautina með sterkari boltum og oppna línuna aðeins meira. Ég var ekki alveg að finna mig nógu vel í gær á æfingum í byrjun allavega en þegar leið á þá fékk ég mína bolta að rúlla betur og gat spilað betur þannig að í fyrsta leik er ég 9. Maður og vonandi get hoppað inn og hjálpað til ef að það þarf til að vinna leikinn.

Fyrsti leikur spilast núna á eftir kl 17.00 á sænskum tíma á móti Kulladal frá Malmö og liðið er:

Martin Larsen

Tomas Leandersson

Robert Andersson

Tore Torgersen

Osku Palermaa

Johan Helldén

Mattias Årup

Matthias Wetterberg

Hafþór Harðarson

 

Eins og þið sjáið þá er þetta ekkert sérstaklega slæmt lið en þetta eru úrslitin og allt getur gerst, núna er spenna og stress sem kemur miklu meira inn í leikinn en venjulega  en við verðum bara að gera okkar þá tökum við þetta!!!

X-calibur (liðið hennar Öldu) spilar síðan eftir okkur kl. 19.15 en ég veit ekki hvernig liðið þeirra er þannig að ég veit ekki hvort að hún fái að spila eða ekki en vona það.

Núna er aðdáendahópurinn okkar á leiðinni og það er byrjað að kitla aðeins í maganum, það er ekki hægt að lýsa úrslitakeppninni hérna, maður verður bara að vera hér og sjá allt til að fatta hvernig stemning er í húsinu en ég get sagt ykkur eitt að ég hlakka til að standa á brautunum þegar hópurinn kemur inn í húsið með trommurnar og söngvanna.

 

Bless í bili, wish me luck!

Hafþór

25.4.2010

Annar 300 leikur og efsta sæti í sænska meistaramótinu!

Jæja þá er kannski kominn tími til að skrifa smá um það sem ég er búinn að vera að gera eftir að ég fór aftur til Svíþjóðar eftir AMF mótið á Íslandi sem flestir vita gekk ekki nógu vel hjá mér en ég get varla útskýrt það sem fór úrskeiðis þar, þar sem mér fannst ég spila frekar góða keilu en er greinilega ekki nógu vanur muninum á milli brautanna í öskjuhlíðinni og leysti vandamálið ekki nógu vel.

En eftir það mót var ferðinni heitið til Slóveníu, sem var heppni að ég komst þangað þar sem við fórum í loftið snemma á fimmtudagsmorgni bara 2 klukkutímum áður en öll flugumferð stoppaði út af öskuskýinu, en við komust til Munchen og keyrðum þaðan til Slóveníu. Ég spilaði ágætlega í fyrsta starti 1322 og það nægði mér til að komast í úrslit, í úrslitunum var ég í smá vandræðum með byrjunina og fannst boltarnir mínir ekki rúlla alveg eins og ég vildi en ég spilaði nokkuð vel og byrjaði með 1305 fyrstu 6 leikina með lélegan síðasta leik og það nægði mér í fyrsta niðurskurð en aðal markmiðið var næsti niðurskurður í top 16 (12 + top 4 úr undankeppnini) en það voru 24 að spila um þessi 12 sæti og maður tók með sér fyrstu 6 leikina og spilaði 3 leiki í viðbót, ég var í 11 sæti með mína 1305 og byrjaði með 188 í fyrsta leik af síðustu 3 og þá var ég fyrir aftan niðurskurðinn og vissi að ég þurfti að spila vel síðustu 2 til að komast áfram og þá tók ég smá séns og tók sterkann bolta, færði mig innar í brautinni og byrjaði að henda boltanum aðeins lengra inn á brautina til að fá boltann að beygja aðeins seinna og það virkaði svona líka, 259 í 2 leik og vissi að ég þurfti í kringum 210 til að vera nokkuð öruggur þannig að í síðasta leik var ég mjög einbeittur og þegar ég byrjaði með 4 fellur í röð hugsaði ég núna set ég bara 3 í viðbót og þá er þetta komið, ég gerði aðeins betur en það og setti allar í þeim leik og fékk að enda á 300 leik, mínum fyrsta á evróputúrnum J.

Í top 16 úrslitunum spiluðum við í 4 fjagra manna hópum og í mínum hóp var Thomas Gross, pba atvinnumaðurinn Steve Jaros og einn slóveni sem ég man ekki alveg hvað heitir, ég byrjaði að spila á móti Steve Jaros og spilað frekar vel en tapaði þeim leik því miður 217-233 og fékk þar með engin bónus stig, í öðrum leik mætti ég slóvenanum og vann þann leik með 220+20 bónusstig þannig að í síðasta leik þegar ég spilaði á móti Thomas Gross var ég 40 pinnum á eftir honum og þurfti að vinna með 21 pinna til að komast áfram en vann því miður bara með 7 pinnum 234-227 þegar Thomas felldi fjarkann síðast í 10 ramma í tengingu og þar með var það búið og úti á 13 pinnum eftir að hafa spilað 717 í 3 leikjum (40 bónusstig) en þess má geta að í öðrum hóp var einn sem komst áfram með 630 og annar með 649 þannig að mér fannst pínu súrt að ekki komast áfram en svona er það og 11. Sætið var mitt.

Því miður voru engin verðlaun fyrir 300 leik þar sem ég var eini í mótinu sem spilaði slíkan en ég gerði það með Virtual Gravity frá Storm.

Þar sem það voru engin flug á mánudeginum heldur þá þurftum við að keyra alla leiðina frá Slóveníu til Danmörku og lest þaðan ( 28 tíma ferðalag með 5 tíma svefn).

Í gær spiluðum við Pergamon strákar í undankeppni sænska meistaramótsins í Strike o co. í Gautaborg og það gekk frekar vel get ég sagt, ég kom mér í efsta sæti eins og er með 1861 í 8 leikjum næstur á eftir mér í startinu var Martin Larsen með 1776.

Við spilum í 4 manna liði, 2 manna liði og einstakling allt í einu og ég spilað með Kim Bolleby í 2 manna og Kim, Johan Helldén og Pär Svensson í 4 manna liði og mín lið er í efsta sæti í bæði 4 manna og 2 manna en það eru engin úrslit í því það er bara gefið gull, silvur og brons þegar undankeppninni er lokið.

Olíburðurinn var 39 fet og þar sem að það beygir frekar lítið í þessum sal þá notaði ég sterka bolta, Reign og Virtual Gravity frá Storm.

Úrslitin spilast fyrstu helgina í júní og það eru top 48 spilararnir sem spila þar og það er bara að vona að maður haldi forminu þangað til.

Ég spilaði einnig fyrsta start í Supersix hér í Gautaborg og það gekk ekki vel get ég sagt, við spilum á Los Angeles sem er 36 fet sem ætti að henta mér vel en þetta var einhvað sem að ég hef aldrei prufað áður, boltinn beygði EKKI mikið og ef að ég missti boltann aðeins út þá gat ég bara vinkað og oftar en ekki lenti boltinn í rennunni. 1046 spilaði ég í 6 leikjum sem segir nokkurnveginn hversu erfitt þetta var en ég þarf að finna einhverjar lausnir á þessu og breyta nokkrum boltum og leysa þetta í næsta starti sem gerist á föstudaginn með landsliðsmönnum mínum sem koma á fimmtudaginn.

Skrifa meira þegar supersix er lokið.

Þangað til næst.

Hafþór

29.3.2010

Undankeppni deildarinnar lokið!

Um helgina var síðasta umferðin í deildinni og eins og ég sagði áður frá þá fórum við strákarnir til Norrköping að spila 3 leiki sem skiptu okkur í rauninni engu máli þar sem við vorum klárir í úrlsitakeppnina en ætluðum okkur ekki að tapa neinum leik þrátt fyrir það.

Fyrsta leikinn spiluðum við á móti Avance sem voru að berjast fyrir að halda sér deildinni, við áttum ekki í miklum erfiðleikum að vinna þann leik 14-6 með heildarskor 7063 á móti 6421. Bestur í leiknum var  Kristoffer Hagelberg med 970 og ég med 958, í 2. Leiknum byrjaði Kristoffer med 11 fellur í röð en skildi því miður eftir 2,8 og 10 í síðasta og fékk þá 297, í síðasta leiknum var komið að mér að fá „klappið“ en það er hefð hjá okkur í Pergamon að þegar einn af okkar mönnum á séns á 300 þá klappa allir upp hann í síðasta kastinu og í 12. kastinu stillti ég mér upp og allri byrjuðu að klappa og þegar ég sleppti boltanum þá vissi ég að þetta væri komið, ég lyfti upp höndunum um leið og það varð pottþétt fella J þannig að ég fékk að enda leikinn á mínum 5. 300 leik.

Í næsta leik mættum við Domino sem að var í öðru sæti í deildinni og það var ekki erfiðari leikur þrátt fyrir það, 14-5 unnum við þann leik og sýndum þvílíka yfirburði þrátt fyrir mjög ungt lið. Bestur var Tomas Leandersson með frábæra 974, næst bestur var Kristoffer Hagelberg með 860.

Í síðasta leiknum mættum við Force frá Eskilstuna en sá leikur var algerlega þýðingalaus þar sem við vorum búinir að vinna deildina og þeir gátu ekki komist áfram þannig að sá leikur var frekar „hægur“ ef að maður getur orðað það þannig en við unnum hann einnig létt með 12-8 sem kannski hefði getað verið stærri þar sem við byrjuðum með 10-0 en bestur hjá okkur var aftur Tomas með 917, næstur Johan Helldén 858 síðan ég með 847.

Olíuburðurinn sem að við spiluðum á var Athens 40 fet en það er einn af WTBA championships olíuburðunum, ég byrjaði að spila með 900 Global Break nokkuð beint við 2. Pílu og síðan færði ég mig aðeins innar í brautina og spilaði með Storm Furious (sem ég spilaði 300 með)

Þannig að úrslitakeppnin er klár og þau 4 lið sem mætast í Jönköping í maí eru við (Team Pergamon), BK Domino (Västervik), Sundbybergs IK (sundbyberg, stockholm) og Kulladal (malmö).

Næstu helgi er það Supersix í Skövde sem tekur við en þar er olíburðurinn Tokyo 43 fet og maður getur búist við að það sé í erfiðari kantinum.

 

Þangað til næst.

Hafþór Harðarson

24.3.2010

Deildin!

Jæja þá er sænska deildin farinn að nálgast enda þetta tímabilið en það eru aðeins 3 leikir eftir fyrir okkur Pergamon stráka sem fara allir fram núna um helgina.

Síðustu 2 deildar helgar höfum við spilað 4 útileiki og 1 heimaleik og það allt án taps.

Við fórum til skåne að spila við Team Malmoe, Kulladal og Full House, á leiðinni upp aftur til Gautaborgar stoppuðum við í Falkenberg og áttum viðureign við þá, allt þetta á 2 dögum.

Helgina áður en þessi ferð kom settum við met í sænsku efstu deildinni en þá unnum við Team Malmoe med 20-0 og það hefur aldrei gerst áður, eftir leikinn voru þeir að sjálfsögðu ekkert voðalega ánægðir með sig og fóru að tala um að þetta hefði verið mikið út af þeim olíuburði sem að við lögðum (cheetah 35fet) og að það væri bara hægt að nota urethane bolta sem að meðal spilari er ekki með í töskunni, þess má geta að Pär Svensson spilaði 1007 í 4 leikjum EKKI með urethane bolta J. En þá að næsta leik á móti sama liði og þá á þeirra heimavelli, eftir 2 leiki var staðan 10-0 fyrir okkur og þeim var ekki farið að lítast á blikuna en þeir náðu að vinna 1 stig í 3. Og 4. Leik og ná því uppí 18-2 en það sýndi bara það að við erum það langt á undan þeim í getu og kunnáttu að það skiptir engu máli hvaða olíuburður liggur á brautunum.

Kulladal unnum við líka frekar létt en staða var 12-3 eftir 3 leiki og þar með sigurinn í höfn.

Á móti Full House og Falkenberg urðu úrslit 10-10 sem er nokkuð sjaldséð en við þar með ósigraðir í þessum fjórum útileikjum. Sjálfur spilaði ég alla leikina og var svona nokkuð jafn 896, 830, 840, 898.

Síðustu helgi mættum við Nobel á heimavelli og það aftur á cheetah, við byrjuðum betur en þeir komu sterkir inn í 3. Leikinn og unnu hann og staðan var 8-7 fyrir okkur en þá tókum við okkur saman í andlitinu og spiluðum 1955 í síðasta leik ( 8 spilarar = 244 m.tal) og unnum þann leik 5-0 þar með 13-7 fyrir okkur, bestur var Kristoffer Hagelberg med 1015, Kim Bolleby med 955 og Ég 910.

Eins og ég minntist á áðan þá eigum við 3 síðustu leikina eftir sem fara fram um helgina en þeir spilast í Nörrköping þar sem 4 lið koma saman og spila allir við alla á hlutlausum brautum, þetta er gert til að spara langar ferðir. Við spilum á móti Avance (3. Neðsta), Domino (2.sæti) og Force (7. Sæti) en það eru 6 lið í deildinni sem eru að berjast um 3 sæti í úrslitarkeppninni og öll lið spila sína síðustu leiki um helgina en staðan lítur svona út.

Team Pergamon BC 28

BK Domino 23

Sundbybergs IK 22

BK Joker 21

Kulladals BS 21

BKF Falkenberg 20

BK Force 20

Við erum öryggir en hin 3 sætin eru opin fyrir öllum hinum liðunum eins og þið sjáið og verður spennandi að sjá hverjum við mætum í úrslitunum í Jönköping.

 

Á föstudaginn eru 6 af okkar strákum að fara til Quvait að spila í Quvait Open en það eru Robert, Martin, Osku, Tore, Ljung og Årup en það mót er ekki á evróputúrnum en þar sem peningaverðlaunin eru há og margir leikir þá eiga þeir góða möguleika en þeir spila undankeppni 3x6 leiki og síðan úrslit engin re-entry eins og í venjulegu EBT móti.

Segjum þetta gott í bili

Þangað til næst.

Hafþór Harðarson

14.2.2010

Kominn aftur!

Þá virðist vera að ég sé búinn að redda þessu þannig að ég geti haldið áfram að skrifa pistla hérna heima.

 

Ef að við tökum smá samantekt frá því að ég kom tilbaka til Gautaborg frá RIG mótinu.

Það hefur ekki verið mikið um mót núna uppá síðkastið þannig að fokusinn hefur verið á æfingum og skoða yfir kúlur svo lagað.

Mér finnst eins og ég sé dottin í einhverja lægð núna og er ekki alveg að spila eins vel og ég vill, góðu köstin mín eru mjög góð en það koma of mörg léleg köst á vitlausum tíma sem gera það að verkum að leikirnir mínir ná ekki þessum toppi sem að ég þarf til að t.d. koma mér í úrslit en ég er búinn að vera að vinna með Sten Åke (þjálfaranum okkar) og á síðustu æfingu breyttum við mér í 4 skref í staðinn fyrir 5 og það gekk ágætlega og núna er bara að gefa því smá tíma og vona að maður rífi sig uppúr þessu áður en ég kem heim fyrir íslandsmót einstaklinga í byrjun mars.

Ég á orðið nokkuð mikið af kúlum þannig að ég ætla ekki að nefna þær allar en ég get nefnt þær kúlur sem eru oftast í töskunni minni þegar ég fer á mót. Virtual gravity (storm), Kinetic Energy (Track), Hot Sauce (Hammer), Noize (Columbia 300), Dimension (storm)

Ef að ég hef þessar kúlur í töskunni þá er ég nokkuð tilbúinn í hvað sem er ef að ég veit að það verður ekki mjög þurrt/stutt því þá eru veikari kúlur með mér eins og urethane og svoleiðis.

Þær 2 nýjustu kúlurnar sem að ég hef borað eru Reign (storm) og Furious (storm)

Reign boraði ég eins og storm mælir með að hún sé boruð, 4“ frá PAP (axis), pin fyrir ofan löngutöng og CG aðeins út.

Boltinn frekar langt og beygir mikið í endann eins og ég hafði hugsað mér, ég rispaði aðeins upp coverið á boltanum með 4000/2000 abralon eins og ég geri við flesta bónaða bolta bara til að fá þá að lesa brautina aðeins fyrr.

Furious boraði ég með pinnan í löngutöng sem fyrir mig er 6“ frá PAP og CG ca 40° út, þetta gerir að verkum að boltinn fer lengra og flare-ar minna en þar sem boltinn er mattur og byrjar að beygja frekar snemma venjulega þá fékk ég nokkuð skemmtilegt rúll á þennan bolta.

Um helgina var mót hérna í heimasalnum en það var X-calibur tournament, mót sem að klúbburinn hennar Öldu hélt, olíburðurinn var WTBA Athens 40 fet. Það þurfti 1302 til að komast í úrslit (top 22) en mér gekk ekki vel, var með 903 eftir 4 leiki en missti það alveg þegar brautirnar breyttust og ég spilaði ekki nógu vel þó að mér fannst ég vita hvað ég þurfti að gera bara að ég gat ekki gert það, var aðeins eins og það sem ég er búinn að vera að finna uppá síðkastið en það er bara að finna út úr þessu.

Alda kom sér inn í úrslit í fyrstu tilraun með 1349 með förgjöf en  hún var með 14 í förgjöf en það gekk ekki nógu vel í úrslitunum en hún endaði í 16. Sæti

Sigurvegari mótsins varð Jan Wronkov en hann er „þjálfari“ B-liðs Pergamon en hann spilar ekki mikið lengur nema ca 1 sinni í viku á æfingum með okkur, hann var með 58 í forgjöf og tók heim sigurinn og 20.000 SEK á því en það er í rauninni allt of mikð fyrir hann, hann hefur bara spilað einn leik síðan að þeir uppfærðu allt meðaltals kerfið hérna og hann var 131 sem útskýrir þessa háu forgjöf.

Næsta mál á dagskrá er heimaleikur í deildinni á sunnudaginn á móti Team Malmö með A-liðinu eða það gæti jafnvel verið á laugardaginn með F-liðinu á móti Åmal.

 

Við segjum þetta gott í bili, þangað til næst.

Hafþór Harðarson

25.1.2010

Leikur helgarinnar og smá fréttir

Eins og skrifad var ádur thá er ég í vandraedum med tölvuna mína og thessa sídu, vilja ekki alveg vinna saman en ég sit í vinnunni og get stundum skrifad örlítid.
Bidst afsökunar á thessu.

Thad var leikur hjá A-lidi Pergamon sídastlidinn laugardag thar sem vid tókum á móti Full House frá Ängelholm, their eru med mjög ungt og framandi lid og eru ad berjast um saeti í úrslitakeppninni. Mattias Möller sem var ad keppa í RIG mótinu var tví midur ekki med í theim leik thar sem hann sat fastur í vinnunni.

Leikurinn byrjadi thannig ad vid unnum nokkud létt fyrstu 2 leikina 4-1 og 4-1 en svo byrjudu brautirnar ad opna sig adeins og spilid faerdi sig lengra inn i brautina og thad er meira fyrir Full House strákana, margir hverjir med mjög mikinn snúning og vilja gjarnan vera nokkud nálaegt midjunni í brautinni, og their unnu 3. leikinn 4-1 en vid nádum ad halda í thá og snúa tví vid í sídasta aftur og vinna 4-1 thar med 13-7 fyrir Pergamon.

Sjálfur byrjadi ég sem varamadur en hoppadi inn fyrir Peter Ljung eftir 2 leiki en fann mig einhvernveginn aldrei, ég byrjadi á ad spila fast nidur 1. pílu med Columbia Noize ( boradur til ad beygja snemma og rúlla bara í restina) og byrjadi med 4 fellur í röd en sídan vissi ég ad ég vaeri á vitlausum stad og tyrfti ad faera mig innar en fann aldrei spilid. 199 og 190 voru mínir leikir en thad dugadi til ad ná sigri.


Vid segjum thetta gott í bili, skrifa meira thegar ég get.
Hafthor
25.1.2010

Haffi með bilaða tölvu

Haffi á í erfileikum að opna þessa síðu til að skrifa pistla og er að vinna í því, vonandi lagast þetta fljótt svo það komi eitthvað slúður frá Svíþjóð.
4.1.2010

Fyrsti leikur ársins

Tha var fyrsti leikur ársins spiladur og thad var ekki hvada leikur sem helst, Sundbybergs IK á móti Team Pergamon (okkur) og lidin voru vaegast sagt í lagi.

Okkar lid :
Tim Mack
Mike Fagan
Robert Andersson
Martin Larsen
Mathias Årup
Kristoffer Hagelberg
Hafthor Hardarson
Tore Torgersen
Pär Svensson

SIK lidid:
Mikael Kanold
Tobias Karlsson
Dennis Eklund
Erik Andersin
Petteri Salonen
Daniel Strömberg
Magnus Johnsson jr.
Anders Öhman

thar sem SIK thurftu virkilega á thessum stigum ad halda thá urdu their ad gera eitthvad ödruvísi og thad gerdu their, 28 fet var olíuburdurinn og tví midur voru ameríkanarnir okkar ekki med búnad í thad og vid kannski ekki alveg tilbúnir í thad thannig ad vid byrjudum illa og töpudum fyrsta leiknum 4-1. Annar leikurinn var adeins betri en ekki mikid 3-2 til SIK og vid vorum undir 7-3 og leit ekki vel út, their lokudu sídan á okkur med 4-1 í 3. leiknum og thá var leikurinn búinn, vid nádum ad vinna sídasta leikinn med 3-2 sem skipti ekki miklu en 13-7 urdu úrslitin.

Bestir í SIK voru:
Daniel Strömberg 990
Anders Öhman 920

Bestir í Pergamon:
Hafthor Hardarson 944
Mike Fagan 900

Ég var nokkud sáttur vid mína spilamennsku en thad er alltaf leidinlegt ad tapa leiknum.
Núna tharf ad hlada aftur og gera sig klárann fyrir fyrsta start í Supersix sem byrjar eftir 3 tíma.

Thangad til naest.
Haffi
23.12.2009

Haffi æltar loksins að fara skrifa pistla!

Frá og með áramótum mun ég (Hafþór Harðarson) byrja að skrifa pistla hér á síðunni um gengi mitt í Svíþjóð (og annars staðar í evrópu), nýjar kúlur á markaðnum (sem ég hef séð og nota sjálfur) og ýmsar aðrar upplýsingar.
Vonandi hafi þið gaman af að lesa þetta í framtíðinni.

Hafþór Harðarson
Team Pergamon Sweden
:)