ao

hertz-hvitur_grunnur

jako

rafdis-logo

Keppnis- og æfingaferðir

Stefnulýsing
Stefna barna og unglingaráðs (BUR) vegna keppnis og æfingaferða innanlands sem og erlendis



Innanlandsferðir.
BUR stefnir á að flokkarnir fari á mót sem eru fyrirfram ákveðin og hefð komin á. Flokksráð á að geta gengið að möppu um viðkomandi mót og þann þjónustuaðila sem BUR hefur náð samkomulagi við. T.d 6.fl.kk fer ( alltaf á ) Shellmótið í Vestmannaeyjum, 5.fl.kk alltaf á Essomótið á Akureyri, 6-5-4.fl.kvk (alltaf á) Pæjumótið á Siglufirði, Vestmannaeyjum eða til Sauðarkróks. 4 – 3.fl.kk og kvk geta farið á Rey-Cup það ár sem þau fara ekki í utanlandsferðir eða æfingabúðir til að undirbúa sig fyrir komandi sumar.

Utanlandsferðir.
Stefnt er að því að fara með 4 -fl. drengja og kvenna í utanlandsferð til keppni annað hvert ár. Um þessar ferðir gilda sömu reglur og um sumarmót, þ.e. ætlast er til að hver iðkandi safni fyrir ferðinni að sumu eða öllu leyti. Utanlandsferðir flokkanna skal tilkynna til yfirþjálfara eða BUR fyrir 15.janúar sama ár. Flokksráð á að geta gengið að möppu um viðkomandi mót og þann þjónustuaðila sem BUR hefur náð samkomulagi við.

• BUR stefnir á að flokkarnir fari á mót sem eru fyrirfram ákveðin og hefð komin á
( regla1 ) í samráði við yfirþjálfara deildarinnar.
• 3.flokkur karla eða kvenna geta farið erlendis, en þá þarf að kjósa um það hjá foreldrum með leynilegri kosningu. Til þess að ferðin verði farin þá verða 70% foreldra/forráðamanna að vera samþykkir viðkomandi ferð.

Fararstjórn.
Allar þær áherslur sem upp eru taldar í þessu riti gilda um fararstjóra, liðsstjóra og þjálfara á vegum ÍR. Þjálfarar, liðsstjórar og fararstjórar þurfa því að leggja sig fram við tryggja það að iðkenndur séu félaginu til sóma í allri framkomu, hegðun og klæðaburði, Æskilegt er að það séu ekki fleiri en 5-7 iðkendur á hvern fararstjóra, sem þarf þó að meta eftir aldri og þroska iðkenda. Liðsstjóri (eða fararstjóri) ber ábyrgð á leikmönnum á milli leikja en þjálfari (eða liðsstjóri) ber ábyrgð á þeim í leik.

Kostnaður.
Iðkendur greiða sjálfir ferðakostnað í æfingaleiki, Íslandsmót og önnur mót sem haldin eru af öðrum félögum. Hver flokkur fyrir sig fjáraflar upp í kostnað vegna ferða á sumarmót t.d. Shellmótið í Vestmannaeyjum, Essomótið á Akureyri , Pæjumótin, Gullmótið í Kópavogi og Rey-Cup. Ætlast er til að hver iðkandi safni helst fyrir öllum kostnaði. En ekki fyrir aukakostnaði! Sjá í reglu 10 í starfslýsingu foreldraráðs.