hertz-hvitur_grunnur

jako

ao

wise

rafdis-logo

Lesa frétt
3.2.2016

20. Stórmót ÍR í frjálsum um helgina

DSC_8374

Það er enn mörgum landsmönnum í fersku minni þegar Vala Flosadóttir setti heimsmet unglinga í stangarstökki og Daniela Bartova Evrópumet á fyrsta Stórmóti ÍR 1997 sem haldið var í gömlu Laugardalshöllinni.   Síðan þá hefur Stórmót ÍR í frjálsíþróttum verið alþjóðlegt boðsmót stórstjarna, vettvangur bætinga og fjöldaþátttöku og skapað sér sess sem fjölmennasta opna frjálsíþróttamótið á Íslandi sem haldið er árlega.

20. Stórmót ÍR verður sérstaklega veglegt og af því tilefni hefur öllu besta frjálsíþróttafólki landsins í völdum greinum verið boðið til keppni sem fram fer í frjálsíþróttahöllinn/Laugardalshöll 6.-7. febrúar n.k.

Sérstakir gestir mótsins verða sigurvegarar í keppnisgreinum fyrsta Stórmóts ÍR árið 1997 og Vala Flosadóttir.  Vala kemur sérstaklega til landsins af þessu tilefni en sigurvegarar keppnisgreina fyrsta Stórmóts ÍR voru:
Jón Arnar Magnússon sem sigraði í þríþrautarkeppni við Robert Zmelik Ólympíumeistara í tugþraut 1992 og Bandaríkjamanninn Ricky Barker.
Þórdís Gísladóttir sem sigraði í hástökki í keppni við bestu kvenhástökkvara Norðurlanda.
Ólafur Guðmundsson og Guðný Eyþórsdóttir sigruðu í 50m hlaupum karla og kvenna.

Afmælisathöfn verður haldin kl. 14:40 á laugardeginum þar sem þessir sérstöku gestir mótsins verða heiðraðir ásamt sjálfboðaliðum sem hafa starfað við mótið frá upphafi.  Í kjölfar athafnarinna keppir besta frjálsíþróttafólks landsins í völdum greinum karla og kvenna.

Sjónvarpsþáttur verður gerður um sögu mótsins sem sýndur verður á RUV.

Frábær þátttakka verður í mótinu.  Þátttökumetið 820 keppendur frá í fyrra verður slegið hressilega því nú þega hafa 877 keppendur frá 34 félögum vítt og breytt af landinu skráð sig, Færeyjum og Bandaríkjunum.  Auk íslensku keppendanna koma 63 keppendur frá þremur félögum í Færeyjum, Treysti, Hvirlan og Bragðið.  Þá kemur einn keppandi frá Bandaríkjunum.

Tímaseðill og keppnisupplýsingar hér:  http://www.ir.is/Deildir/Frjalsar/FrjalsithrottavidburdirIR/StormotIR/

Hér má sjá þróun í þátttöku Stórmóts ÍR frá árinu 2000 en fyrstu þrjú mótin voru boðsmót.

 Frjálsar graf

Ár

Stórmót ÍR

2000

220

2001

230

2002

240

2003

270

2004

354

2005

329

2006

405

2007

579

2008

602

2009

651

2010

760

2011

712

2012

784

2013

792

2014

718

2015

820

2016

877