hertz-hvitur_grunnur

jako

ao

wise

rafdis-logo

Lesa frétt
12.5.2016

Knattspyrnuskóli ÍR 2016

Knattspyrnuskóli ÍR 2016

Knattspyrnuskóli ÍR verður starfræktur á ÍR-svæðinu við Skógarsel í sumar. Knattspyrnuskólinn hefst mánudaginn 13. júní næstkomandi.

Skólinn er fyrir hádegi frá kl. 9-12.

Í skólanum verður unnið í grunn- og tækniþáttum íþróttarinnar með einstaklingsmiðaða nálgun að leiðarljósi. Skólastjórar eru Kristján Gylfi Guðmundsson þjálfari 2., 6. og 7. flokks karla og Magnús Þór Jónsson markmannsþjálfari meistaraflokka og yngri flokka.

Áhersla verður lögð á að iðkendur snerti boltann oft, að þeir venjast boltanum, knattstjórnun, snúninga, móttöku á bolta, sendingar, spilæfingar, skotæfingar og ýmsar tækniæfingar, megináhersla er lögð á æfingar með bolta þannig að iðkendur bæti alhliða knattfærni sína.

Í knattspyrnuskólanum verður iðkendum skipt í hópa eftir aldri, reynslu og getu þannig að allir fái verkefni við sitt hæfi. Knattspyrnuskólinn hentar því bæði byrjendum og lengra komnum.

Við hvetjum pilta og stúlkur til þess að mæta á námskeið sumarsins enda alltaf gleði og gott veður á ÍR-vellinum. Þátttakendur á námskeiðunum mæta með sitt eigið nesti. Brýnt er fyrir foreldrum að senda börnin með hollt og gott nesti. Aðstaða til að matast er í ÍR-heimilinu.

Við munum nýta okkur það að EM í Knattspyrnu mun standa yfir í sumar til að búa til aukna stemmingu. Á meðan EM stendur yfir mun knattspyrnuskólinn halda sína eigin EM keppni þar sem öllum iðkendum er raðað jafnt niður í lið sem spila innbyrðis undir merkjum liðanna á EM.

Hverju námskeiði lýkur með uppskeruhátíð og afhendingu viðurkenningar auk þess sem í heimsókn kemur þekkt knattspyrnufólk, bæði karlar og konur.

Hvert námskeið er tvær vikur og kostar 12.000 kr. 20% systkinafsláttur

 

Skráning hefst 13. maí á www.ir.is

Námskeið 1: 13. – 24. júní (árg. 2009-2003) 
Námskeið 2: 27.júní – 8. júlí (árg. 2009-2003)
Námskeið 3: 11. – 22. júlí (árg. 2007-2003)
Námskeið 4: 8. – 19. ágúst (árg. 2007-2003)