hertz-hvitur_grunnur

jako

ao

wise

rafdis-logo

Lesa frétt
11.8.2016

Guðni Valur Guðnason ÍR keppir á morgun í undankeppni kringlukastsins í RÍÓ

Guðni Valur Guðnason keppir á morgun í undankeppni kringlukastsins í RÍÓ. Þetta eru fyrstu Ólympíuleikar Guðna Vals og eitt af hans fyrstu stórmótum en Guðni komst fyrst í síður sögubókanna í fyrra fyrir árangur sinn í kringlukasti en áður hafði hann aðalllega sýnt góða takta í golfinu. Í dag er Guðni í hópi með bestu kringlukösturum heims og á morgun, 12. ágúst reyna þeir 35 bestu með sér í fyrstu grein frjálsíþróttakeppni Ólympíuleikanna. Þarna verða margar stjörnur í kringlukast heiminum sem allir eru saman komnir til að eiga besta keppnisdag ársins 2016. Þekkt nöfn eru Gerd Kanter frá Eystlandi sem Vésteinn Hafsteinsson hefur þjálfað um nokkurt skeið en hann á yfir 73 m best, reyndar aðeins rétt yfir 65 m best í ár. Einnig er það Robert Harting frá Þýskalandi sem á best 70.66m og síðan Piotr Malachowski frá Póllandi sem á best 71.84 m.

Guðni Valur er í seinni kasthópnum þar sem keppni hefst kl. 10:55 en hann þarf að kasta amk. 65 metra eða verða í topp 12 af þessum 35 manna hópi til að komast áfram í úrslitin. Guðni Valur á best 63.50m en hefur lengst kastað 61.20m á þessu ári. Við sendum Guðna Val góðar kveðjur og vonum að honum gangi sem allra best og bæti sinn besta árangur hingað til. Íslandsmetið er 67.64 metrar sett á Selfossi 31. maí 1989 af Vésteini Hafsteinssyni. Það er því vel komið til ára sinna og vert markmið að ná því á næstu 2 árum.