hertz-hvitur_grunnur

jako

ao

wise

rafdis-logo

Bakhjarlar ÍR
Samstarf Landsbankans og ÍR endurnýjað

Íþróttafélag Reykjavíkur og Landsbankinn endurnýjuðu í janúar 2011 samstarf sitt til tveggja ára. Bankinn verður áfram aðalbakhjarl allra deilda ÍR og útibúið í Mjódd mun standa þétt að baki félagsmönnum í ÍR.

„Við erum afar stolt af stuðningi okkar við ÍR,“ segir Friðgeir Magni Baldursson, útibússtjóri Landsbankans í Mjódd. „Útibúið í Mjódd hefur allt frá stofnun verið aðalstyrktaraðili ÍR, auk ýmissa annarra samfélagsverkefna. Fyrr í vetur afsalaði Landsbankinn sér auglýsingum á búningum félagsins og bauð liðinu að velja sér í staðinn gott málefni á búningana.  ÍR valdi Hjartaheill og merki félagsins prýðir því búninga félagsins næsta ár.“ Þetta er gert í takt við nýja stefnu sem Landsbankinn hefur sett sér um stuðning bankans við íþróttafélög undir yfirskriftinni Samfélag í nýjan búning. Markmiðið er að tengja saman stuðning bankans við íþróttir og mannúðarmál.

Stofnaður hefur verið áheitasjóður fyrir Hjartaheill og greiðir bankinn ákveðna upphæð fyrir hvern sigur meistaraflokka ÍR karla og kvenna á Íslandsmótum. Öðrum fyrirtækjum og einstaklingum er frjálst að heita á liðið sitt og leggja þannig góðu málefni lið. Í tilefni af stofnun áheitasjóðs fyrir Hjartaheill styrkti Landsbankinn félagið um hálfa milljón króna í október sl.



N1 og ÍR skrifa undir samstarfssamning.

samstarf

 

ÍR og N1 hafa gert samstarfsamning sem mun efla íþróttastarf ÍR og um leið styrkja rekstur þjónustustöðvar N1 sem er við hliðina á félagsheimili ÍR.  Ívar Ragnarsson, deildarstjóri N1 og Hjálmar Sigurþórsson , formaður ÍR undirrituðu samninginn og báðir fagna samstarfi þessara öflugu félaga.

 

Mikill stuðningur frá Subway

Skyndibitakeðjan Subway opnaði árið 2010 nýjan stað í Mjódd og í leiðinni hafa þeir látið gott af sér leiða og styrkt ÍR vel og vandlega. Það er ÍR gríðarlega mikilvægt að fá öflugan bakhjarl eins og Subway. Það má með sanni segja að Subway hafi komið eins og stormsveipur inn í ÍR og aðstoðað félagið svo um munar.


Vífilfel + ÍR = Góð blanda

Vífilfell hefur lengi verið einn helsti bakhjarl ÍR og í janúar 2011 var skrifað undir áframhaldandi samning. Á öllum viðburðum tengdum félaginu, hvort sem það eru íþróttaviðburðir, fundir, skemmtanir eða annað þá verða vörur frá Vífilfelli á boðstólnum.